Ustoz-shogird rukniga oid latifalar | 10 dona — 7

O‘qituvchi bolalardan birma-bir oilaviy ahvoli to‘g‘risida so‘ray boshlabdi.
— Qani sen, tur-chi! Dadang nima ish qiladi?
— Dadam soliqda ishlaydi.
— Oilaviy ahvolingiz qanaqa?
— Hammasi zo‘r!
Ikkinchi bolani turgizib so‘radi:
— Sening-chi, dadang nima ish qiladi?
— Hokimiyatda ishlaydi.
— Sharoitinglar qanaqa?
— O-o, klass!!!
Bir bola parta ostiga kirib ketay deb o‘tirganmish. O‘qituvchi uni ko‘rib:
— Sen nega berkinyapsan? Tur-chi!? Dadang nima ish qiladi?
— Dadam tadbirkor.
— Oilaviy sharoitlaringiz qanaqa?
— Anavi ikkalasini dadasi bo‘lmaganida, biz ham zo‘r yashardik.

Yosh o‘qituvchi sinfga kirib kelib:
— Salom bolajonlar, - desa, sinfdagi bolalar bir ovozdan:
— Yo‘qol, chiqib ket! - deb baqirishibdi.
Qo‘rqib ketgan yosh o‘qituvchi direktor xonasiga yugurib kirib, vaziyatni tushuntirsa, direktor:
— Bu sinf o‘quvchilariga avval "qarmoq" tashlab ilintirib olish kerak. keyin dars boshlaysiz. Yuring ko‘rsataman, - deb sinf eshigini tepib kiribdi-da:
— Orangizda kim globusni koptok qilib o‘ynay oladi? - so‘rabdi.
O‘quvchilar:
— Globus nima o‘zi? - deyishibdi.
— Globus haqida yangi o‘qituvchingiz gapirib beradi, - degan ekan.

O‘qituvchi:
— Abdulla, senga savol! "Qavat-qavat to‘ni bor, chiroyligina yuzi bor»?
Abdulla:
— Atirgul!
O‘qituvchi:
— Yo‘q, bu - karom.
Abdulla:
— Maylimi, endi man topishmoq bersam? U besh harfdan iborat, bosh harfiyam oxirgisiyam "Q"…
O‘qituvchi:
— Voy, quloqsiz bola! Nimalar deyapsan!?
Abdulla:
— Ustoz, to‘g‘ri javob - Quloq! Siz topdingiz!!!

Oliygoh hojatxonasining birinchi va uchinchi kabinalariga kirib ketgan talabalar suhbati:
1-kabinadan: — Anavi sholg‘om oliy matematkadan bahoyingni qo‘yib berdimi?
3-kabinadan: — Yo‘q, ablah odam-de, qancha tushuntirsam ham, baribir qo‘yib bermadi, Eh, o‘sha sholg‘omni...
2-kabinadan: — Qo‘yib bermayman ham!!!

Imtihonda domla talabadan:
— Xo‘sh, imtihon deganda nimani tushunasiz?
— Imtihon bu ikki aqlli insonning suhbati.
— Agar ularning biri ahmoq bo‘lsachi?
— Unda ikinchisi stipendiyasiz qoladi-da domla.

Ingliz tilidan birinchi dars. O‘qituvchi:
— Bolalar, kim inglizcha harflarni yoddan biladi?
Eshmat (kichkina dasturchi):
— Men!
— Qani, tartib bilan aytchi?!
— Q, W, E, R, T, Y

Shkaf ichidagi tolibi ilm ustozi piri Komildan so‘radi:
— Ustoz, biz bu yerdan qachon keturmiz?
Piri Komil javob qildi:
— Eee? yig‘ishtir adabiycha gappi, eri ketsin, suramiz.

Instruktor mashinalar tirband yo‘ldan ketayotsa, oldindagi avtomobil qoidalarni buzib, xavfli harakatlar bilan hayday boshlabdi. Jahli chiqqan instruktor avtomobilni quvib o‘tib, oynadan baqiribdi:
— Qaysi ahmoq o‘rgatgan senga mashina boshqarishni?!
— Voy ustoz, assalomu alaykum! - dermish haydovchi...

Shogird:
— Ustoz, shu damda men sevgilimga sms yozganim durustmi yoki qo‘ng‘iroq qilganimmi?
Ustoz:
— Bizning xozirgi ahvolimizga qarag‘onda, siz ul sevgili yoringizga gudok tashlag‘oning‘iz durustdur bo‘tam.

Bir odam ko‘zi o‘tkirligini maqtanmoqchi bo‘lib:
— 25 metr naridagi daraxtda chumoli ketyapti, - desa, yonidagisi:
— Ha, o‘g‘il bola ekan, - dermish.

Ustoz-shogird haqida latifalar

Latifa.uz loyihasi haqida

Boshqa loyihalar