Uqituvchi-domla rukniga oid latifalar | 10 dona — 9

Meni ukam pul topishni yo‘lini kattalardan yaxshiroq biladi.
Maktabda olgan har bir "5" bahosiga adam 10 ming so‘mdan beradilar.
O‘sha 10 ming so‘mdan 5 mingini ustoziga bersa, ustozi yana "5" baho qo‘yib beradi.
Qarabsizki, ukamga o‘z-o‘zidan pul kelib turaveradi-da!

Fizika darsida o‘qituvchi:
— Ahmedov, ayt-chi! Yorug‘likni tezligi kattami yoki tovushnimi?
— Tovushni tezroq...
— Nega?
— Oylik maoshim oshadi deb adam aytganlariga ancha bo‘ldi, lekin haliyam yorug‘lik chiqmadi.

Imtihonga kirgan talaba bitta biletni olib, joyiga qo‘yib-qo‘yibdi. Ikkinchisini olib yana joyiga qo‘yibdi. Uchinchisini, to‘rtinchisini, ... va hakozo olib-qo‘yaversa, o‘qituvchi uni to‘xtatib reyting daftarchasiga "4" baho qo‘yib beribdi.
Boshqa talabalar hayron... "Nima uchun??? Axir u hech nimaga javob bermadi-ku?!" deyishibdi.
Shunda o‘qituvchi "Aynan bitta biletni qidiryaptimi, demak nimagadir qattiq tayinlanib kelgan-da!" degan ekan.

Onasini yoniga o‘g‘li kelib debdi:
— Oyijon, 5 ming bering.
— Yo‘q. Pulni nima qilasan?! - debdi onasi jahli chiqib.
— Beraqoling oyijon... - debdi yana o‘g‘li.
— Yo‘q dedim senga! - debdi onasi.
— Agar 10 ming bersangiz, adam to‘g‘risida bir gap aytaman, - debdi bolakay ayyorlik bilan.
Onasi darrov 10 mingni beribdi.
— Ayt, nima sir ekan!
— Adamni yoniga bir ayol keldi. Ular mehmonxonamizga kirib uzoq gaplashishdi, - debdi o‘g‘li cho‘ntagiga 10 mingni solib, eshik yoniga yaqinlasharkan.
— Nimani gaplashishdi? - deb o‘takasi yorilay dedi ayolni.
— O‘g‘lingizni maktabda baholari pasayib ketyapti dedi u ayol, - deb ko‘chaga yuguribdi bolakay.

Imtihonga kirgan talaba bitta biletni olib joyiga qo‘yib qo‘yibdi.
Uzoqdan kuzatib o‘tirgan professor:
— Nega biletni qaytarib qo‘ydingiz? - debdi.
— 13 bilet ekan. Men irimchiman. Xosiyatsiz raqamli biletni olishni istamadim, - debdi talaba.
— Irim-sirimlarga ishonmang. 13-raqamli biletga ham yaxshi javob bersa bo‘ladi, - debdi professor va talabaga 13-biletni topib beribdi.
Talaba hamma savollarga javob berib "5" baho olib tashqariga chiqibdi.
Do‘stlari "Nima bo‘ldi?" deyishsa, talaba:
— O‘zi faqat 13-biletni savollariga tayyorlangan edim. Professorni laqqa tushirdim, - degan ekan.

Ona tili darsida. O‘qituvchi va o‘quvchi savol-javobidan:
— Ot necha turga bo‘linadi?
— Ikki turga, ustoz!
— Noto‘g‘ri Asqarov! Xo‘sh, ot qanday savollarga javob bo‘ladi?
— Necha yoshda va necha martta bolalagan degan savollarga, ustoz...!

— Xo‘sh, Husanov! Yer qanday shaklda?
— To‘rtburchak ustoz.
— Yaxshilab o‘ylab ko‘r! Yerni shakli qanday?
— Uchburchak ustoz.
— Chiq sinfdan! Sendek o‘quvchi hech kimga kerakmas!
— Bekor qildingiz! Ustoz, hali ko‘rishamiz! Yer dumaloq!

Psixologiya darsida talabalar professordan ma’ruza tinglashmoqda.
Professor:
— Hozir men sizlarga insondagi 2 holatni ko‘rsatib beraman.
Professor qo‘l telefondan xohlagan raqamiga qo‘ng‘iroq qilib:
— Allo, Baxtiyor bormi? - debdi.
Go‘shakdan:
— Boshqa raqamga tushdingiz. Baxtiyorni raqami emas! - degan javob bo‘libdi.
— Bu "bezovtalanish" holati, - debdi professor.
Keyin yana telefondan o‘sha raqamga qo‘ng‘iroq qilibdi.
— Allo, Baxtiyor kelmadimi hali? - debdi professor.
— Men sizga Baxtiyorni raqami emas deb ayttimmi?! Nega tushunmaysiz?! - deb javob berishibdi.
— Bu "asabiylashish" holati, - debdi professor.
Shu payt oldi qatorda o‘tirgan talabalardan biri debdi:
— Men "shokka tushish" holatini ko‘rsatib bermoqchiman.
— Marhamat! - debdi professor va qo‘lidagi telefonni talabaga uzatibdi.
Talaba yana xuddi o‘sha raqamga qo‘ng‘iroq qilib:
— Allo, men Baxtiyorman! Meni hech kim so‘ramadimi? - debdi.

Kirish imtihonlari, oxirgi bosqich.
— Bilet torting!
— Savol: Korrupsiyaga qarshi kurash agentligi...
— Xo‘sh javob bormi?
— Tayyorlanmagan edim...
— Mayli boraqoling, bahoingiz 4!
— Rahmat ada!

Maktabda o‘qituvchi bolalardan uyga vazifani tekshiribdi.
Birinchi o‘quvchi:
— Tushunmadim, - debdi.
Ikkinchisi:
— Vaqtim bo‘lmadi, - debdi.
Uchinchisi bo‘lsa:
— Menga bahona qolmadi-ku! - degan ekan.

Uqituvchi-domla haqida latifalar

Latifa.uz loyihasi haqida

Boshqa loyihalar