Uddaburonlar rukniga oid latifalar | 10 dona — 37

Er-xotin choy ichib o‘tirishibdi.
Xotin:
— Bilasizmi, Afrikadagi ba’zi qabilalarda erlar o‘z xotinlarini sotib yuborar ekan. Mabodo shunday odat bizda ham bo‘lganida meni sotarmidingiz?
Er:
— Yo‘q, men seni sovg‘a qilib yuborardim!

Bir odamni to‘riga tilla baliq ilinibdi. Baliq tilga kirib:
— Ey odamzot, tila tilagingni, - desa, odam:
— Men hamma narsalarga ega bo‘lgan bo‘lishim kerak, - debdi.
Tilla baliq:
— Tilaging ijobat bo‘ldi. Seni hamma narsang bo‘lgan edi, - dermish.

Bir kishi to‘y qilmoqchi bo‘lib, afandiga to‘yga aytishni buyuribdi.
Afandi boyni uyiga borib, to‘yga aytsa, boy:
— To‘yga aytishga tuzukroq odam topilmadimi? - debdi.
Afandi boyga qarab turib:
— Tuzukroqlar tuzukroq odamlarnikiga aytishga ketdi-da boy ota, - degan ekan.

Bir yigit ofisdagi hamkasblariga:
— Men ertaga ishga kelmayman.
Hamkasblari:
— Nega?
Yigit:
— Hozircha bilmayman. Albatta biror bahona topaman.

Hurmatli qizlar! Agar qizlar bilan yurmaydigan yigitga turmushga chiqmoqchi bo‘lsangiz, karantin ayni vaqti.
Muddat: Karantin davri tugaguncha!

Bir mashhur chet ellik yulduz ko‘chada kimdandir qochib ketayotsa, oldidan ichki ishlar xodimi chiqib qolibdi:
— Kimdan qochyapsiz? Nima bo‘ldi? - desa, haligi mashhur yulduz:
— Yordam bering komandir! Meni bezorilar quvlab kelishyapti, - debdi.
— Mana bu yoqda, kelinglar tezroq bu yoqqa, - deb baqiribdi xodim.

Bozorda ishbilarmon odam tarvuz sotayotgan ekan.
Uni ishbilarmonligini qarang! 1 ta tarvuz 3 ming, 3 ta tarvuz 10 ming deb yozib qo‘yibdi.
Bir xaridor yoniga kelib:
— Sen xaridorni chalg‘itmoqchi bo‘ldingmi?! Hozir men 1 tadan 3 ta tarvuz sotib olaman 9 ming so‘m bo‘ladimi? - debdi.
Sotuvchi:
— Ha, shunaqa bo‘ladi, - deb 3 ta tarvuzni sotib yuboribdi.
Xaridor ketayotib:
— Savdo qilishni bilmas ekansan! - deb kulib ketibdi.
Sotuvchi bo‘lsa:
— Menga aql o‘rgatishini qara! 1 ta tarvuzni o‘rniga 3 tadan sotib yuboryapman-ku! - debdi.

— Senga 100 ming berishsa, barmoqni kesib tashlay olarmiding?
— Bu kimni barmog‘i ekaniga bog‘liq...!

O‘qituvchi Alisherdan so‘radi:
— Katta bo‘lsang, kim bo‘lasan?
Alisher:
— Katta bo‘lsam tadbirkor bo‘laman. Ko‘p pul ishlab topaman, oyimga ko‘p narsalar olib beraman.
O‘qituvchi Valijondan so‘radi:
— Valijon, katta bo‘lsang kim bo‘lasan?
Valijon:
— Katta bo‘lsam, Alisherni oyisi bo‘laman!

Advokatdan so‘rashibdi:
— Sizni xizmatingizdan foydalanish qancha turadi?
— 3 ta savolga javob berishim 1 million so‘m.
— Shunchalik qimmatmi?
— Ha. Uchinchi savolingizni ham bering-da kassaga o‘tavering.

Uddaburonlar haqida latifalar

Latifa.uz loyihasi haqida

Boshqa loyihalar