Sudda rukniga oid latifalar | 10 dona — 3

Qo‘lga tushgan maktab qorovulini tergov qilishyapti:
— Ho‘sh, ayting-chi? Maktabdan nimalarni o‘g‘riladingiz? – so‘rabdi tergovchi.
Qorovul yuzini burishtirib:
— Xo‘jalik bo‘limi mudiridan biror arzgulik narsa qolmagan-ku o‘zi...?! – debdi.

Sudya:
— Siz butunlay boshqa odamga aylanishingiz kerak! Urinib ko‘ring!
— Yo‘q o‘rtoq sudya, mumkin emas.
— Nega axir?
— Yaqinda hujjatlarimni qalbakilashtirganim uchun o‘tirib chiqdim...

Sud jarayoni ketmoqda. Sudya ayblanuvchiga savol beribdi:
— Ayblanuvchi, ismingiz nima?
— Ismim Begunoh! Shaxsimni tasdiqlovchi hujjatlarning barchasida shunday!
— Begunohmisiz???
— Ha janob! Adolatli hukmingiz uchun rahmat! Men ketdim!

Sud zalida ayblanuvchiga savol berishyapti:
— Siz qanday qilib birdaniga 6 ta odamni mashinangizda urib yubordingiz?
Haydovchi:
— Yo‘lda ketayotgan edim. Birdan tormoz ishlamay qoldi. Yo‘lning o‘ng tarafiga qarasam, 2 kishi, chap tarafida 4 kishi ketayotgan ekan. 4 kishidan ko‘ra, 2 kishini urib qo‘yaqolay, - deb, rulni o‘ng tarafga burdim. Birdan haligi 2 kishi chap tarafga qarab yugurib qolsa bo‘ladimi?! Ularni qulab, oxiri hammasini urib yubordim.

Sudya jabrlanuvchiga:
— Vrachni nimada ayblayapsiz?
— Kvartiramni o‘g‘irlashda yordam bergani uchun.
— Qanaqasiga?
— U menga kechalari uyqu dori ichib, derazani ochib uxlashni maslahat beruvdi.

Sud zalidagi jarayondan:
— Aytingchi, eringiz bilan nega ajrashmoqchisiz?
— U meni haqorat doim qiladi. Xotinim demay uradi, ...
Zalda g‘ala-g‘ovur ko‘tarilibdi:
— Bizni haqorat qilmayapti-ku, bizni urmayapti-ku, ...

— Yoshingiz nechida?
— Hamisha yoshman. Go‘zal va sohibjamolman. Uyalmaysizmi ayol kishidan yoshini so‘ragani?!
— Xaddingizdan oshmang ayblanuvchi! Savollarimga to‘g‘ri javob bering. Siz sud zalidasiz axir...

Advokat qamoqxonaga boy mijozning yoniga kelsa, mijoz:
— Mana shu chemodanda 1 million dollar bor, nima qilasan men bilmayman, shu pulni berib, sudyani ko‘ndirginki, qo‘rqib turibman uzoq muddatga qamaydimi deb, olgan puli evaziga menga bir yil qamoq jazo belgilasin, tushundingmi?, - debdi.
Advokat o‘ylanib chemodanni olib ketibdi.
Sud bo‘libdi, mijoz kutgandek 1 yil qamoq jazo muddati berilibdi.
Mijoz advokatga:
— Senga rahmat, sudyani ko‘ndirishing rossa qiyin bo‘lgan bo‘lsa kerak, a?, - desa.
Advokat:
— Haqiqatdan sudyani ko‘ndirish qiyin bo‘ldi, chunki u sizni butunlay oqlamoqchi edi, bergan pulingizga bir yilga zo‘rg‘a ko‘ndirdim, - degan ekan

To‘ydan keyin 2 hafta yashagan kelin—kuyov ajrashmoqchi bo‘lishibdi.
— Nima sababdan ajrashmoqchisizlar? – so‘rabdi sudya.
— Sababi oddiy. Kelin turmushga tayyor emas ekan, - debdi kuyov.
— Qanaqasiga tayyor emas ekan? – so‘rabdi yana sudya.
Kuyov debdi:
— Hammomga kirsam, u orqamdan kirib janjal qiladi-da, suvdagi hamma kemalarimni cho‘ktirib yuboradi.

Sud. Narkotik tarqatish ustida ish. Advokat guvoh qo‘shnidan so‘rayapti:
— Ayblanuvchi sizga narkotik berganmi?
— Yo‘q!
— Uning xotinichi, xotini berganmi?
— Kechirasiz, gap hali ham narkotik haqida ketyaptimi?

Sudda haqida latifalar

Latifa.uz loyihasi haqida

Boshqa loyihalar