Sport rukniga oid latifalar | 10 dona — 3

Krishtiano Ronaldo Paxtakor futbol klubi bilan 5 yillik shartnoma imzolabdi. Jurnalistlar intervyu undan olyapdi:
— Siz Paxtakorga qanday kelib qoldingiz?
— Tasodifan. Toshkentga borganimda muxlislarga dastxat bergandim. Shularni ichida bitta muxlis 5 yillik shartnomani uzatsa, bilmasdan qo‘l qo‘yib beribman.
— Sir bo‘lmasa, qancha maosh va’da qilishdi?
— Maoshim haftasiga 100 ming so‘m. U ham bo‘lsa 100 foiz plastik kartochkaga tusharmish...!

Futbol sharhlovchisi:
— Bizning jamoamiz urgan ajoyib, chiroyli bir golimizga raqiblarimiz arzimagan uchta gol bilan javob qaytarishdi.

Yigit do‘sti bilan gaplasha turib debdi:
— Nega futbolga qiziqmasang ham, nuqul futbol ko‘rishga boraverasan?
Do‘sti bo‘lsa:
— Ishga borsam boshlig‘im baqiradi. Uyga borsam xotinim... Futbolga borsam men baqiraman.

Messi:
— Men buyuk Messiman!
Ronaldu:
— Men buyuk Ronalduman!
Ermatov:
— Men uchun senlar 10chi va 7chi raqamsanlar!

Suratxonaga 7 ta boksyor kirib kelibdi va suratchiga deyishibdi:
— Bizlarni 3 ga 4 suratga olib qo‘ysangiz. Har birimizga 2 donadan chiqarib berasiz.
Suratchi rozi bo‘libdi. Suratga tushirish uchun chiroqlarni yoqib, fotokamerasini sozlab tursa, 7 ta bokschilarning 4 tasi bir taraf, 3 tasi bir taraf bo‘lib olib, mushtlashishga shay turib olishganmush.
Vaziyatdan qo‘rqib ketgan suratchi:
— Hoy-hoy, to‘xtanglar! Nima qilyapsizlar?! - desa, bokschilar:
— Suratga olavering! Trenerimiz bizlarga "3 ga 4 suratingizni 2 donadan olib kelasizlar degan" dermush...

Matbuot anjumanida Krishtyano Ronaldu maqtanayotgan emish:
— Men eng zo‘riman. Men eng kuchli futbolchiman. Men istedodman, - deyayotsa, bir jurnalist o‘rnidan turib:
— Qiynalmay men – Messiman deb qo‘yaqoling, - dermish.

Futbol jamoasi murabbiysi o‘z lavozimidan ozod etilar ekan, o‘rniga yangi saylangan murabbiyning qo‘liga 3 dona raqamlangan konvertda xat tutqazibdi va debdi:
— Bu konvertlarni hozir ochmagin! Og‘ir damlaring kelganda birin-ketin ochaverasan...!
Oradan ozgina vaqt o‘tib, komanda yana mag‘lubiyatga uchray boshlabdi. Shunda murabbiy 1-raqamdagi konvertni ochibdi. U yerda: "Hamma aybni menga ag‘daraver!" deb yozilgan ekan. Murabbiy shunday qilibdi.
Oradan yana vaqt o‘tibdi. Mavsum tugab, ketma-ket mag‘lubiyatlar komanda murabbiysini og‘ir ahvolga solib qo‘yibdi. 2-raqamli konvertni ochganida u yerda "Katta va’dalarni ber!" degan yozuv o‘qibdi. Yana ma’lum vaqt murabbiyni tinch qo‘yishibdi.
Uchinchi yil mag‘lubiyat! Hech qanday g‘alaba yo‘q! Muhlislarning noroziliklari! So‘nggi konvertni ochgan murabbiyni ko‘zi shu yozuvni o‘qibdi: "Xatlaringni yozaver!!!"

Oltin baliqcha dengiz hukmdoriga shikoyat qilib boribdi:
— Meni istaklarni bajarish vazifam buyicha litsenziyani qaytarib oling.
— Nega?
— O‘zbekistonlik futbol muxlislari mamlakatimizni jahon chempionatiga chiqarib ber deya tilak bildirishib, meni qiynab yuborishdi. Men ularni tilaklarini bajara olmayman.
— Mayli, unda Babayan bilan Qosimovning murabbiyylik litsenziyasini ham birga qo‘shib olib kel.

Bir ayol farzand tug‘ishda chaqaloqni yuqori tezlikda tug‘armush! Doktorlar bolani ushlab qololmay bola mayib bo‘lib qolarkan. Shunda chora topilibti. Futbol darbozabonini olib kelishibdi. Bola "PAQ" etib uchib chiqibdi. Chaqaloqni ushlab qolgan darvozabonni doktorlar olqishlashdi. Darvozabon kasbiga sodiq qolib "ochilila" deb bolani maydonga tepib yuboribdi.

Yigitga qiz aytyapti:
— Sizga futbol bo‘lsa bo‘ldi. Undan boshqa narsani o‘ylamaysiz!
Yigit:
— Bu noto‘g‘ri. Seni xam o‘ylayman.
Qiz:
— Xo‘sh unda ayting-chi, birinchi martta qachon uchrashganmiz?
Yigit:
— 27 may 2013 yil: Real bilan Barselona o‘ynagandi o‘sha kun...

Sport haqida latifalar

Latifa.uz loyihasi haqida

Boshqa loyihalar