Shifokorlar rukniga oid latifalar | 10 dona — 16

Shifokorga murojat qilgan bemor:
— Doktor, nega menga muolaja qilish o‘rniga, hamkasbingiz bilan kulib gaplashib turibsiz? - desa, shifokor:
— Kulgu - eng yaxshi da’vo! Men sizga aytsam...!

— Doktor aytingchi, og‘riq seziladimi?
— Kimga qanaqa.
— Bu nima deganiz?
— Bemorlarga seziladi, menga esa yo‘q

Ikkita jinni tortishib qolishibdi.
Birinchisi olma daraxtiga qarab turib:
— Bu yil mana shu daraxt ikki tonna olcha beradi, - debdi.
Ikkinchisi esa:
— Yo‘q, bu daraxt bu yil bir tonna shaftoli beradi, - debdi.
Shu payt shifokor kelib qolibdi. Suhbatni eshitib turib:
— Axir, bu daraxt anor-ku! - dermish.

Jarrohlik operatsiyasidan keyin hushiga kelgan bemorga vrach dedi:
— Operatsiyadan oldin o‘zingizni juda yomon tutdingiz. Baqirib, tipirchilab, hamma yoqni ostin-ustun qildingiz. Yoningizdagi sherigingiz sizdan ham battarroq to‘palon qildi...!
Bemor vrachga:
— Albatta-da! Axir biz derazalarni yuvish firmasidan kelgan edik-da...

Bir kishi xotini yaxshi eshitmay qolayotganidan tashvishga tushibdi. U xotiniga eshitish uskunasi olib berishga qaror qilibdi. Xotiniga bu haqda qanday aytishni bilmabdi va dastlab buni muhokama qilish uchun shifokorga boribdi.
Shifokor unga uy sharoitida oddiy sinov o‘tkazishni, keyin tashxis qo‘yishi mumkinligini aytibdi. Va sinovni qanday o‘tkazishni tushuntiribdi.
— Xotiningizga 12 metr masofadan biror savol berib ko‘ring. Agar savolingizga javob bermasa, yaqinroq borib savolingizni takrorlang, masofa 9 metr bo‘lsin. Agar yana javob qaytarmasa, 6 metr masofadan savolingizni takrorlang, keyin 3 metrdan. Xullas, u savolingizga javob bermaguncha yaqinlashavering. Shunda uning qulog‘i qanchalik og‘ir ekanligini aniqlab olamiz.
O‘sha oqshom xotin oshxonada ovqat tayyorlayotgan, er esa o‘z xonasida ishlayotgan ekan. Er ichida o‘ylabdi: “Hozir undan taxminan 12 metr uzoqdaman. Shifokor maslahatini bajarishning ayni vaqti”.
— Azizam, nima ovqat qilyapsan?
Hech qanday javob bo‘lmabdi. Er yo‘lakka chiqibdi va savolini takrorlabdi.
— Go‘zalim, nima ovqat? Yana jimlik. U yanada yaqinroq boribdi. Ular orasidagi masofa olti metr ekan.
— Shirinim, nima ovqat qilyapsan? Lekin hech qanday javob bo‘lmabdi. Er oshxonaga kiribdi.
— Nima ovqat yeymiz? Afsuski, bu safar ham xotini indamabdi. Er xotining yoniga yaqinlashibdi.
— Sevgilim, nima ovqat qilyapsan?
Xotini unga o‘girilib qarabdi.
— Azizim, eshitmayapsizmi, beshinchi marta aytyapman, tovuq!

Bir bemor doktorga kelib:
— Qornim og‘riyapti, dori bering, - desa, doktor shoshilganidan itiga olgan dorini berib yuboribdi.
Bir haftadan keyin boyagi bemor yana kelib:
— Doktor, menga bergan doringizni nomi nima edi? Hech qaysi dorixonadan topa olmayapman, - dermish.

— Bir beg‘araz shifokor borakan, pul olmasakan!
— Bo‘ldi boraman!
— Salom pul olmaydigan doktor.
— Voaleykum assalom tuzalmaydigan bemor!

Tort pishiruvchi qiz dugonasiga:
— Doktorlarga hayron qolamanda, dugonajon.
— Nimaga bunaqa deyabsan?
— O‘tgan hafta ko‘z doktorini tug‘ilgan kuni deb, ko‘z shaklidagi tort zakaz qilishgandi, bugun roddomni bosh vrachi bo‘lmish akusher ginekologni yubileyi ekan... Tortmisan-tort bo‘ldi-da!

Stomatolog bemorni ko‘rikdan o‘tkaza turib:
— Tishingizda katta kovak bor, katta kovak bor, katta kovak bor...
Bemor hayratlanib:
— Dokor, nega bu so‘zni uch martta takrorladingiz?
— Men bir martta aytdim. Qolganlari kovakdan chiqayotgan aks-sado bo‘lsa kerak.

— Eringizga mutloq tinchlik kerak. Uni asablari charchagan. Mana tinchlantiruvchi dori.
— Unga qachon ichkizay, doktor?
— Meni noto‘g‘ri tushundingiz. Dori siz uchun!

Shifokorlar haqida latifalar

Latifa.uz loyihasi haqida

Boshqa loyihalar