Pul-boylik rukniga oid latifalar | 10 dona — 13

— Dada, kecha ko‘chada bir ayol bilan kinoga kirib ketdingiz-a?
— Jim, onang bilmasin! Mana senga o‘n ming!
— Yo‘q dada, o‘n ming kam!
— Mana yigirma ming bo‘ladimi?
— Dada, ziqnalik qilmang! O‘tgan kuni oyim bilan qo‘l ushlashib ketayotgan amaki ellik ming berdi-ku...

Yangi o‘zbek tramvayga chiqib haydovchiga:
— Amir Temur mahallasiga, - debdi.
Haydovchi:
— Aka, bu taksimas! - desa, haligi odam cho‘ntagidan bir talay pul chiqarib beribdi.
Shunda haydovchi sheriklarini chaqirib, relslarni qo‘yib, tramvayda Amir Temur mahallasiga boribdi.
Yangi o‘zbek, - Rahmat, - deb tushayotganda, haydovchi so‘rabdi:
— Aka, pulingiz bor ekan, uyingiz ham qasrday ekan. Nimaga bu ko‘chalaringiz rasvo, hamma yoq kovlangan, - debdi.
Shunda yangi o‘zbek:
— Ha uka, bu chuqurlarga e’tibor berma! Kecha uyga metroda kelgandim, - dermish.

Bir millioner odamni o‘g‘irlab ketishibdi. Ko‘l bo‘yiga olib borib, boshini suvga tiqib-chiqarib:
— Pullar qayerda? Pullar qayerda?, - deb so‘rayverishibdi o‘g‘rilar.
Boyagi boy nafasi bo‘g‘ilib:
— Yigitlar, pullar ko‘rinmayapti. Yoki chuqurroq kirishim kerak, yoki suv ostida uzoqroq ushlab turinglar-da..., - dermish.

Telegramda:
— U mendan mashinangiz bormi? - deb so‘radi. Men esa:
— Ha albatta, - dedim. Shundan so‘ng u:
— Rostanmi? - dedi.
— Ha, faqat u menga emas, onamga tegishli. Agar menga turmushga chiqsang, u seniki bo‘ladi, - dedim.
U xursand bo‘ldi. Keyin mendan mashinani rasmini jo‘natishimni so‘radi. Men vannaga kirib kir yuvadigan mashinani rasmga olib jo‘natdim. 2 daqiqadan keyin qarasam, u meni bloklab qo‘yibdi. Balki, unga tikuv mashinasi bor yigitlar yoqar???

Yosh qiz otasiga:
— Adajon, menga planshet olib bering? – debdi.
Otasi:
— Sehrli so‘zni unutdingmi qizim...? – degan ekan,
Qizi:
— Jamila, – debdi.
Otasi hayron bo‘lib:
— Jamila? Bu nima deganing? - desa,
Qizi:
— Bu jazmaningizni ismi... - debdi.
Otasi o‘zini yo‘qotib:
— Planshetni qanaqa rangidan olib beray, ustiga g‘ilof ham kerakmi...? - dermish.

Boy odam bilan o‘g‘ri odam do‘st ekan. O‘g‘ri boydan so‘rabdi:
— Seni seyfingni kodi nechi?
Boy:
— Seyfimni kodini nima qilasan?
O‘g‘ri:
— Agar esingdan chiqib qolsa, senga aytaman.
Boy:
— Kodini bir daftarga yozib qo‘yganman.
O‘g‘ri:
— Daftaring qayerda?
Boy:
— Seyfimni ichida.

Orziqib kutaman har oyda seni,
Olisdan ko‘rinsang ko‘zlarimda nam.
Bermayman bilasan hech kimga seni,
Mening qadrdonim STIPENDIYaM!!!

Ishtoning "D&G", tufli "Gucci", mayka "Armani", sumka "Louis Vuitton", telefon "iPhone 7 Plus"…
Men bir narsaga hayronman, sen avtobusda nima qilyapsan?

— Azizim, menga uzuk olib bering.
— Uzukka pulim yo‘q!
— Unday bo‘lsa, ko‘ylak obering.
— Ko‘ylakka ham yo‘q pul...
— Og‘zimni yopish uchun hech bo‘lmasa saqich olib berarsiz?!

Bankomat yoniga bir ayol o‘g‘li bilan keldi.
— Hozir pul olib, ikkalamiz do‘konga boramiz, - dedi ona va bankomatga plastik kartochkasini qo‘yib, u yerdan pul oldi.
Buni ko‘rgan bola hayratlanib onasiga:
— Oyi, buni ichida dadam o‘tiribdilarmi?, - dermish...

Pul-boylik haqida latifalar

Latifa.uz loyihasi haqida

Boshqa loyihalar