Musofirlar rukni — Latifa.uz

Bir yigitni akasi Rossiyadan telefon qilib:
— Voy uka, men bu yerda onamni ko‘rib yuribman, - debdi.
Ukasi bo‘lsa:
— Men onamni oldidaman. Meni ham ko‘ryapsizmi?!, - dermish.

Bir yigit chet elda 5 yil yurib, uyga qaytibdi. Qaytibdi-yu, lekin nuqul ruscha gapirarmish. Qishlokdan xolasi ko‘rgani kelibdi. Salom-alikdan so‘ng xolasi hasrat boshlabdi:
— Bolam, o‘tgan yili pochchang ham olamdan o‘tdilar, - desa. Yigit:
— Chepuxa, - debdi. Xolasi u ruschasiga "Hudo rahmat qilsin" degani bo‘lsa kerak-da deb:
— Nima ham qilardik bolam, bizam "Chepuxa" deb o‘tiribmiz, - dermish.

Bir yigit Rossiyada yashashni boshlabdi. U rus tilini yaxshi bilarkanu, biroq “ikki” ya’ni “dva” so‘zini bilmas ekan. Bir kuni non olish uchun magazinga kiribdi. U ikkita non olishi kerak, lekin “ikki” so‘zini bilmaydi. Uchta ola qolay desa, bisotida ikkita nonga yetadigan puli bor xolos. Bir dona olsa, kamlik qiladi. Nima qilishini bilmasdan u yoqqa, bu yoqqa yurarmish. Buni ko‘rgan sotuvchi hayron bo‘lib:
— Chego vam nado? – desa, yigit o‘ylanib:
— Tri xleba, odin nenado! – degan ekan.

Toshkentni sayyohat qilib qaytgan xitoylikdan so‘rashibdi:
— Xo‘sh, Toshkent qanday shahar ekan?
Xitoylik debdi:
— Chiroyli shahar! Odam ham juda kam ekan.

OVIRdagi suhbat:
— O‘z uying-o‘lan to‘shaging! Uzoqdagi bug‘doydan yaqindagi arpa yaxshi! O‘zga yurtda shoh bo‘lguncha o‘z yurtingda gado bo‘l! Musofir bo‘lmagun...
— To‘xtang, to‘xtang! Tushunishimcha haliyam hujjatlarim tayyor emas, muhr qo‘ymagansiz!? Shundaymi?

Bojxona nazoratchisi sayyohga debdi:
— Sumkangizni ichida nima bor?
Sayyoh:
— Kuchugim uchun yemish olganman.
— Ko‘rsam bo‘ladimi?!
Sayyohni sumkasi tamaki, spirtli ichimliklar bilan to‘la ekan.
Nazoratchi:
— Nima, kuchugingiz shularni yeydi deb o‘ylaysizmi? - desa, sayyoh:
— Yemasa o‘ziga qiyin! O‘zidan ko‘rsin... Och qoladi...

Ota o‘g‘il chet el safarida xarobalar orasiga ekskursiyaga chiqishdi. Shu payt o‘g‘il otasiga:
— Dada, nima bu yerda oyim mashina haydashni o‘rganganmila? - dermish.

Ikkita o‘zbek Fransiyaga borib restoranga kiribdi.
— Fransuz tilini bilmaymiz-ku, qanday qilib buyurtma beramiz? - debdi biri.
Sherigi:
— Shoshmay tur! Hozir boplayman, - debdi va ofitsiantni chaqirib:
— Lya salat, lya tovuq, lya non, lya choy, - debdi. Ofitsiant tez fursatda hamma aytgan narsalarni olib kelib beribdi.
— Ko‘rdingmi! Men bo‘lmasam nima qilarding?! - debdi buyurtma bergan o‘zbek sherigiga va ofitsiantga:
— Lya rahmat! - desa, ofitsiant:
— Lya osh bo‘lsin, aka! - degan ekan.

Yurtimizda mehmon bo‘lib yurtiga qaytayotgan chet ellikdan aeroportda so‘rashibdi:
—Xo‘sh qalay, O‘zbekiston sizga yoqdimi?
U javob beribdi:
—Ha, juda-yam! Hamma urf-odat va an’analaringiz yoqdi-yu, shu ommaviy chiroq va gazlarni o‘chirib qo‘yish udumi yoqmadi, - degan ekan.

Amerikalik mehmon O‘zbekistonga kelibdi. Aeroportdan taksiga o‘tirib mehmonxonaga ketayotsa, haydovchi mashinani juda tez haydashni boshlabdi.
Bir payt yonidan ikkita mashina ularni quvib o‘tib ketibdi. Amerikalik mehmon yo‘l chetidagi belgiga qarasa, 70 deb yozib qo‘yibdi. Taksini tezligiga qarasa 100 da ketayotgan ekan.
Amerikalik haydovchidan so‘rabdi:
— Mana bu yo‘l chetidagi belgilar kimlar uchun o‘rnatilgan?
Taksichi javob beribdi:
— Velosipedchilarimiz uchun!

musofirlar haqida latifalar

Latifa.uz loyihasi haqida

Boshqa loyihalar