Militsiya rukniga oid latifalar | 10 dona — 3

Bir qari chol baliq ovlab o‘tirgan ekan, militsiya kelib debdi:
— Otaxon bu yerda baliq tutish mumkin emas!
— Men baliq tutmayapman, chuvalchang cho‘miltiryapman, - debdi chol.
— Axir chuvalchangni ta’qiqlangan joyda qip yalang‘och cho‘miltiryapsiz.

Bir mast kishi militsiyaga telefon qilib:
— Manavi yerda 300 ta odam o‘lib yotibdi, - debdi.
Militsiya:
— Tez manzilni ayting! – desa, mast kishi:
— Shahar qabristonida, - dermish.

Ichki ishlar bo‘limiga kelgan erkak militsiya xodimiga murojat qildi:
— Tunda bizning uyga o‘g‘rilikka kirgan jinoyatchi bilan gaplashsam bo‘ladimi?
— Nimani gaplashasiz?
— Xotinimga bildirmay tunda qanday qilib uyimizga kirganini so‘rab olmoqchiman.

— Aytishlaricha, AQShda fuqarolarning pasporti bo‘lmas ekan.
— Unda propiska qayerga qo‘yilarkan?
— U yerda propiska degan narsa yo‘q!
— G‘alati. Unda militsiya to‘xtatsa nimani so‘raydi?
— Militsiya to‘xtatib hujjat so‘rashga haqqi yo‘q...
— Ola, Jumanazar!

— Ko‘chada ketayotganingda qizil, kichkina odamcha turganini ko‘rsang nima qilgan bo‘larding?
— Qizil odamcha??? Militsiyaga telefon qilgan bo‘lardim.
— Tentak, qanaqa militsiya!? To‘xtab, mashinalarga yo‘l berishing kerak.

Ikkita uchastka noziri aylanib yurishsa, daraxtda bir odam osilib turgan ekan. Nozirlardan biri ikkinchisiga:
— Nima qilamiz boshimizga ortiqcha tashvish keltirib. Shu murdani narigi tumanga olib borib osib kelaylik, - debdi.
Ikkala nozir murdadan qutulib, yo‘llarida ketaveribdi.
Narigi tumanni nozirlari aylanib yurib, ko‘zi daraxtda osilib turgan odamga tushib:
— Anavini qaranglar, yana shu yerga osib ketishibdi...- dermish.

Parkda yigit bilan qiz quchoqlashib o‘tiribdi.
Qiz:
— Menga shunday ishonarli chin so‘zingizni ayting yuragim hayqirib ketsin,
Yigit
— Orqamizda dadang bilan ikkta milisa turibdi!

Bir mast odam militsiyaga qo‘nqirok qilib:
— Allo, militsiya. Bu yerda 1000 kishi o‘lib yotibdi.
Militsiya:
— Allo, allo, siz hozir qayerdasiz?
— Qabristonda.

Duduq odam militsiyaga qo‘ng‘iroq qilibdi:
— M-m-militsiyami?
— Ha!
— B-b-bu yerda m-m-murda yotibdi.
— Manzilni ayting!
— Q-q-q...
Telefon suhbati uzilib qolibdi. Bir soniyadan so‘ng yana telefon jiringlab:
— Allo, tezroq manzilni ayting!
— Q-q-q...
Yana telefon uziladi... Takror jiringlaydi.
— Allo?!
— Q-q-q...
— Bo‘ldi, Murda Qora-qamishda ekan. O‘zimiz topib oldik!!!

Militsiyaga bir mast kishi qo‘ng‘iroq qilibdi:
— Allo, bu militsiyami? Mening mototsiklimni rulini, benzin bakini, farasini o‘g‘irlab ketishibdi.
— Hozir yetib boramiz.
Birozdan so‘ng yana qo‘ng‘iroq qilib:
— Hammasi joyida ekan. Men mototsiklimda teskari o‘tirib olibman.

Militsiya haqida latifalar

Latifa.uz loyihasi haqida

Boshqa loyihalar