Kaltafahmlar rukniga oid latifalar | 10 dona — 6

Afandining bir kamsut, qisir qolgan, suzong‘ich sigiri bor edi. Uni yetaklab bozorga sotgani olib bordi. Afandi bozorda turib xaridor chaqirar edi:
— Bir qoshiq suti bor, xolos, qisir qolgan, orqadan kelganni tepadi, oldidan kelganni suzadi, kim olsa puliga kuyadi!
U kechgacha shu xilda javrab turdi, birorta xaridor Afandining yoniga yo‘lamadi. Afandining rostgo‘y, soddaligidan hayron bo‘lgan bir dallol kelib sigirni sotib bermoqchi bo‘ldi-da; sigirni maqtay ketdi.
— Kunda to‘rt tovoq sut beradi, qornida to‘qqiz oylik bolasi bor, erta-indin tug‘adi, qo‘ydan ham yuvosh, kimki olsa foyda qilib, pulidan baraka topadi.
Dallolning so‘zini eshitib, xaridorlar kela boshladi. Afandi sigirni dallolning qo‘lidan olib:
— Sigirimda bunday xislatlar bor ekan, sotib nima qilaman,— dedi-da, yetaklab bozordan chiqib ketdi.

Bir ovsar yo‘lda ketayotib, hamyon topib olibdi. Ichini ochib qarasa tilla tangalar bilan birga kichkina ko‘zgu ham turgan ekan. Ovsar ko‘zguni olib, o‘z aksini ko‘rib qolibdi-yu, " Kechirasiz, bu hamyon siznikimidi!?" deb uni topib olgan joyiga qo‘yib kelgan ekan.

General bir guruh praporshikning zehnini sinovdan o‘tkazmoqda:
— Ostonada bir juft qop-qora, yaltiroq buyum yotibdi. Nima u?
Sukunat.
— Eh galvarslar! Bir juft botinka! Endi qiyinroq savol byeraman: eshik yaqinida to‘rtta qop-qora, yaltiroq buyum yotibdi. Nima u?
Yana sukunat.
— Eh sen, kallavaramlar! Axir bu ikki juft botinka-ku. Xo‘p, mayli, yanada qiyinroq savol beraman: botqoqda yashaydi, rangi yashil, vaqirlagani-vaqirlagan.
Nihoyat praporshiklardan biri qo‘l ko‘tarib:
— Uch juft botinka, o‘rtoq general, - dermish.

— Familiyangiz nima?
— So-so-sodiqov.
— Nima, duduqmisiz?
— Yo‘q, adam duduq bo‘lganlar. Guvohnoma yozgan ayol esa g‘irt tentak...

Afandi bir kuni baliq oviga chiqibdi. Birdaniga yomg‘ir yog‘ib, shamol ko‘tarilibdi. Shunda Afandi baliq turini ustiga yopib olib, bamoqlarini to‘rning teshigidan chiqarib:
— Voy, tashqari muncha sovuq, - dermish.

— Bankomatni buzib, pul olish uchun xakker qanday yo‘l tutadi?
— Qo‘liga bolg‘a va nootbukni oladi va bankomatga kelib, uni bolg‘a bilan urib buzadi va pullarni oladi.
— Iye, unda nootbuk nega kerak?
— Nootbuksiz xakker - xakkermi?!

Afandi mast holda uyiga kirsa, uyida gaz hidi ekan. Afandi fikrlabdi:
"Hozir chiroqni yoqsam, yonib ketaman" deb, uyga sham yoqib kirgan ekan.

Ko‘zi yoriydigan yosh kelinchak tug‘ruqxonada yig‘lay boshlabdi.
— Nega yig‘layapsiz? – debdi vrach.
Kelin:
— Menda egizaklar! - deb yana battar yig‘lay boshlabdi.
— Egizaklar bo‘lsa nimasi yomon? – so‘rabdi vrach.
— Erim “Ikkinchi bola kimdan? Qayerdan olding?” deb so‘rasalar nima deb javob beraman? – dermish kelin.

Ovchilar guruhi yosh yigitni ishga olishibdi.
— Qayerni bitirgansan? Miltiqdan otishni bilasanmi? - so‘rashibdi undan ovchilar.
— Vestminsterni bitirganman! Miltiqdan otishni bilaman, - debdi yosh yigit.
— Bugun ayiq ovlashga boramiz. Yodingda bo‘lsan, ayiqni ko‘rishing bilan shtab tomonga qochasan. Ayiq seni quvlaydi. Shtabga yetib kelganda o‘q uzasan! - debdi ovchilar boshlig‘i.
— Xo‘p, - debdi yigit.
Ov boshlanibdi. Ayiqni ko‘rgan yigit qocha boshlabdi. Ayiq uni quvlabdi. Lekin yuguraverib charchagan yigit ayiq tomonga o‘girilib, shartta uni otib tashlabdi.
Buni ko‘rgan ovchilar boshlig‘i:
— Aqlli ekansan! Nishonga ham yaxshi olarkansan! Lekin yugurishing yomon! Endi shtabgacha ayiqni o‘zing sudrab ketishingga to‘g‘ri keladi! - degan ekan.

Bir mototsikl haydovchisi qoidani buzib, YPHdan qochib, ko‘p qavatli uylarni orasiga kirib ketibdi. Ularni chalg‘itish uchun mototsiklini o‘sha yerda qoldirib, katta yo‘lga chiqib tursa, inspektor kelib:
— Ho‘sh motosikl qani?
O‘g‘ri:
— Qanaqa mototsikl?
— Biroz avval qoidani buzib, mendan qochib kelayotganding-ku?!
— Bu nima deganing? Axir men piyoda aylangani chiqdim-ku...
— Aylangani chiqdingmi?
— Ha.
— Kaska kiyib olib-a??? Mototsikl bilan hujjatlarni ko‘rsat, - degan ekan inspektor.

Kaltafahmlar haqida latifalar

Latifa.uz loyihasi haqida

Boshqa loyihalar