Kaltafahmlar rukniga oid latifalar | 10 dona — 14

Kambag‘allik lo‘lining joniga tegib, o‘zini osishga qaror qilibdi. Daryo sohilidagi daraxtga arqon bog‘lab bir uchini bo‘yniga solibdi.
Lekin shu zahoti arqon uzilib, lo‘li daryoga qulabdi. Uni zo‘rg‘a qutqarib olib:
— Nega bunday qilding? - deb so‘rashsa, lo‘li:
— Meni tinch qo‘yinglar! Mana shu yaramas arqonning dastidan sal bo‘lmasa cho‘kib ketardim, - dermish.

Samolyot havoda daf’atan chalqanchasiga ag‘darilgan holda ucha boshladi. Styuardessa yo‘lovchilarni tinchlantiryapti:
— Hurmatli yo‘lovchilar, Qo‘rqmanglar!
Hozir uchuvchimiz burniga dori tomizib olsin, samolyotimiz asl holiga qaytadi!

Ko‘chada ketayotgan chiroyli qiz yoniga bir yigit kelib:
— Yaxshi qiz telefoningizni bera olasizmi? - debdi.
Qiz jilmayib:
— Bir ko‘rishdayoq sevib qoldingizmi?! - desa, yigit:
— Yo‘q, bir urunishdayoq telefonni o‘g‘irlamoqchiman! - dermish.

Bir odam shifokorga borib:
— Sizda umrni 100 yoshgacha uzaytiradigan dori yo‘qmi?
— Ha.
— Aroq ichasizmi?
— Yo‘q.
— Sigaret chekasizmi?
— Yo‘q.
— Unda dori ichib nima qilasiz?!

Xotin eriga:
— Ozishimni xohlasangiz, ham bir kilo uchun 100 mingdan to‘laysiz-mi? - debdi.
Eri bo‘lsa:
— Insofing bormi xotin? Bozorda dumbani narxi qancha turishini bilasanmi? - deb kulib yuboribdi.

Qari kampir qutqaruv xizmatiga qo‘ng‘iroq qilyapti:
— Allo, hovlimdagi daraxtda katta ayiq o‘tiribdi. Yordam bering!
Qutqaruv xizmatidan bir erkak kuchukcha yetaklab kelibdi.
— Xolajon, manavi miltiqni ushlang. Men daraxtga chiqib, silkitaman, ayiq yiqilsa, unga qarata o‘q uzasiz, - debdi qutqaruvchi.
Kampir:
— Kuchukchani nimaga olib keldingiz unda?
Erkak:
— Agar ayiqni o‘rniga o‘zim yiqilsam, kuchukchaga qaratib oting!!!

Bir akaxon shirakayf uyiga kelsa, xotini supurgini qo‘liga ko‘tarvolib, kutib olibdi. Akaxon tiz cho‘kib:
— Jon-xotinjon bizni kimlarga tashlab uchib ketmoqchisan, supurgingni ushlavobsan dermish...

— Assalomu alaykum doktor. Sizga ko‘zimdan shikoyat qilib keldim! Oxirgi paytda judayam qiynalib ketdim. Oshxonaga kiraman deb, molxonaga kirib ketayapman. Uyimga kiraman deb, qo‘shnimnikiga kirib ketyapman. Yaxshilab davolamasangiz bo‘midi!!!
— Sizni tezda davolamasa bo‘lmas ekan. Axir bu yer BANK-ku...

— Nega uni qo‘yib yubording?
— U meni tashlab ketmaydi. Vafodorligini sinab ko‘rmoqchi edim.
— Tentak, kim qopag‘on itni bo‘yinbog‘isiz qo‘yib yuboradi?!

— Yaxshi yigit, sizga savolni 2 marta qaytardim. Yana qaytaraman! Siz savolga «Ha» yoki «yo‘q», - deb javob bering!
— Zaldagi odamlar sizni javobingizni kutaverib charchab ketishdi axir!
— Do‘stimga qo‘ng‘iroq qilsam bo‘ladimi?
— Bu sizga «Kim millioner bo‘lishni xohlaydi» o‘yini emas yigit, bu yer "Nikoh uyi"!

Kaltafahmlar haqida latifalar

Latifa.uz loyihasi haqida

Boshqa loyihalar