Jinoyatchilar rukniga oid latifalar | 10 dona — 6

Bankka bosqinchilar kirib hammaga baqira boshlashibdi:
— Teskari o‘giril, yot! Agar kim bizni yuzimizni ko‘rsa, otib tashlaymiz!
Bir odam:
— Men ko‘rdim, - deb yuboribdi. Shu zahoti to‘pponchani olib otib tashlashibdi. Yana so‘rashibdi:
— Yana kim ko‘rdi?! - desa, chetroqda yotgan odam:
— Meni xotinim ko‘rdi, - dermish.

Sudya sudlanuvchiga:
— Nega o‘zingizga himoyachi olmadingiz?!
Sudlanuvchi:
— Janob sudya qaysi advokatga murojaat etmay, jinoyat ishida aytilgan o‘sha besh million dollarni xaqiqatdan olmaganimni eshitishlari bilan menga himoyachi bo‘lishni rad etishyapti.

Qari otaxon yo‘lda ketayotsa, bir barzangi yigit to‘xtatib:
— Hozir shunaqa latifa aytaman, agar kulsang 5000 berasan, - debdi.
— Mayli, - deb otaxon tishini-tishiga qo‘yib kulmay eshitibdi. Latifa tugagach, otaxona kulmayotganini ko‘rgan yigit:
— Aytgancha, majburan kulmasang 10000 berasan, - dermish.

Hayvonlarni ilmiy tekshirish instituti xodimi suvaraklar ustida tadqiqot olib borayotgan ekan. Laboratoriya tekshiruvlarini o‘tkazish uchun uyidan besh-o‘nta suvaraklarni ushlab, gugurt qutisiga solibdi-da, ishxonaga yo‘l olibdi. Biroq o‘sha kuni uyga qaytmabdi. Havotir olgan xotini militsiyaga xabar beribdi, qarindoshlari, erining do‘st-u birodarlaridan surishtiribdi. Hech qayerda yo‘q emish. Oxiri kasalxonalarni qidirib yursa, bosh-oyoq gipslangan erini topibdi. Eridan:
— Sizga nima bo‘ldi?, - deb so‘rabdi xotini.
Eri esa:
— Aniq esimda yo‘q. Ishga ketayotsam, ko‘chada bir barzangi yigit gugurt so‘ragan edi. Gugurt qutisini uzatganimni eslayman xolos..., - debdi.

Bir kuni o‘g‘ri badavlat xonadonlardan biriga o‘g‘rilikka tushibdi. Uyda hech kim yo‘qligida kelib, asta eshik qulfini buza boshlabdi. Shu payt domofon ishga tushibdi:
— Assalomu alaykum! "Aqilli uy" tizimiga xush kelibsiz. Bilishimcha siz o‘g‘risiz va uyni ship-shiydon qilgani kelgansiz. To‘g‘risini aytganda, men bu uy egasini juda yomon ko‘raman. Sababi u men bilan doim qo‘pol muaomalada. Shuning uchun sizga eshikni o‘zim ochib beraman.
Shu payt eshik ochilibdi. O‘g‘ri esini yo‘qotib qo‘yay debdi. Haligi ovoz esa gapirishda davom etirmush:
— Eshik oldida turgan qoplarni oling. Barcha boylik shuni ichida. Faqat tezroq ketishingiz kyerak. Bir daqiqadan so‘ng signal tovushi ishlab ketadi. Tezroq! Tezroq!
O‘g‘ri qoplarni ko‘tarib, jon holatda qochib qolibdi.
Uch soatdan so‘ng uy egasi qaytib kelsa, domofon ishga tushibdi va debdi:
— Assalomu alaykum xo‘jayin! Uydagi axlatlar tashlandi!

Bir yigit mafiya boshlig‘ini qizini sevib qolibdi. Bundan xabar topgan otasi xizmatkorlariga yigitni ushlab kelishlarini buyuribdi.
— Meni qizimni tinch qo‘yasanmi?
Yigit:
— Men uni sevaman!
Otasi:
— Darhol bunga qizlarni kiyimini kiydirib, lab-yuzlariga ayollar bo‘yoqlarini surtib, mahallasiga tashlab ketinglar!
Barzangi xizmatkorlar mashinada olib ketayotishsa, bola yalina boshlabdi:
— Yigitlar, iltimos, meni qo‘yib yuboringlar. Unday ish qilib, sharmanda qilmanglar, axir men o‘g‘il bolaman-ku! Keyin mahallada qanday qilib bosh ko‘tarib yuraman?!
Mashina biroz yurgach, bir barzangini telefoni jiringlabdi:
— Labbay xo‘jayin!
— Qizimni yana bitta oshig‘i bor ekan. Yo‘l-yo‘lakay uni ham qo‘shib olinglar! Uni yaxshilab do‘pposlab, tanib bo‘lmas qilib, kimsasiz joylarga tashlab ketinglar! - debdi qizning otasi. Buni eshitgan oshiq yigit xushyor tortib:
— Iltimos akalar, menga qizlarni kiyimini kiydirib, lab-yuzlarimga ayollar bo‘yoqlarini surtib, mahallamga tashlab ketasizlar! Tag‘in anavi ikkinchi bola bilan adashtirib yubormanglar, - dermish.

Qamoqxona boshlig‘i soqchiga debdi:
— Hamma yoqni tartibga keltiring! Bu yerga hokim kelyapti.
Soqchi xursand bo‘lib:
— Vanihoyat, oxiri qo‘lga tushibdi-da, ...

Bir millioner odamni o‘g‘irlab ketishibdi. Ko‘l bo‘yiga olib borib, boshini suvga tiqib-chiqarib:
— Pullar qayerda? Pullar qayerda?, - deb so‘rayverishibdi o‘g‘rilar.
Boyagi boy nafasi bo‘g‘ilib:
— Yigitlar, pullar ko‘rinmayapti. Yoki chuqurroq kirishim kerak, yoki suv ostida uzoqroq ushlab turinglar-da..., - dermish.

Bosqinchilar aroq va sharob ishlab chiqariladigan korxonani garovga olishibdi. Lekin, uch kun o‘tib ham o‘zlarining shartlarini ayta olishmasmush...

Bir kishi bog‘iga kirsa, bir to‘da bolalar daraxtga chiqib olib meva terayotgan ekan:
— Hoy bolalar, qani tez tushinglar-chi! Bo‘lmasa dadalaringa aytib beraman, - desa, bolalar:
— Hechqisi yo‘q. Dadamiz bizni urishmaydilar! Chunki dadamizning o‘zlari narigi shohda o‘tiribdilar, - dermish.

Jinoyatchilar haqida latifalar

Latifa.uz loyihasi haqida

Boshqa loyihalar