Internet rukniga oid latifalar | 10 dona — 2

Telegram abonentining qasamyodi:
“Men Telegram safiga kirar ekanman, so‘nggi zaryadim tugaguncha, oxirgi megabaytimni ham sarflab onlayn bo‘lishga, Spam bo‘lsam ham ''Deleted account '' qilmaslikka va’da beraman. Agar amal qilmasam ''Sonnecting ''ga mubtalo bo‘lay!”

Google da so‘zlarni tarjima qilib o‘tirgandim, “Qaynona” deb yozsam, “Ilon” deb tarjima qilib berdi.
Internetga ham ishonch qolmabdi!

— Davlat iqtisodiyoti tanazzulga yuz tutgan. Mamlakat aholisi och, nochor va norozi, ammo jim! Xalq umuman kitob o‘qimay qo‘ygan... Yosh bolalar ham ko‘chalarda sigaret chekib yurishar, qo‘ni-qo‘shnilar bir-birlari bilan bir qarich yerni talashib, hukumatga arz qilishardi. Rahbarlar esa go‘yoki hech narsani ko‘rmayotgandek, bemalol yuraverishar, oddiy xalqning pullariga dang‘illama...
— O‘g‘lim, yangiliklarni o‘qishni bas qil! Kompyuterni o‘chirgin-da, dars qilishni boshla!
— Oyijon, axir men tarix fanidan “Rim imperiyasini qulashi” mavzusini o‘qiyapman-ku!

Bemor doktor qabuliga kelib debdi:
— Doktor, men internetga juda qattiq bog‘lanib qolganman. Hecham undan ajrala olmayman. Agar shu kasalligimni davolasangiz, doim sizni xabarlaringizga “Layk” bosib turishga va’da beraman.

Er xizmat safariga keta turib, xotiniga debdi:
— Kompyuterimni aslo yoqa ko‘rma! Agar yoqsang, kayfiyating buzilishi aniq!
Tabiiyki, xotini kompyuterni yoqib ko‘rgan...
Er safardan qaytsa, ostonada g‘azab bilan xotin kutib turibdi.
— Kompyuterimga tegibsan-da baribir...!? – debdi er.
Xotini javray boshlabdi:
— Ha, kompyuteringizni yoqib, behayo suratlar, ma’shuqangizga yozgan xatlaringizni qidirdim. Shuncha vaqtim ketdi. Birortasini ham topa olmadim, umuman yo‘q!!!
— Shunga kayfiyating yo‘qmi?
— Ha!
— Men senga nima degandim!?

Kambag‘alchilik qurib ketsin, qachongacha tomi yo‘q mashina-yu, tugmachasiz telefon ishlataman?!

Bola "Telegram"da o‘tirib kun kechirganini sezmay qolibdi. Bir payt eshik taqillabdi.
Bola:
— Eshik ochiq.
Bir pasdan keyin, eshik yana taqillabdi.
Bola:
— Eshik ochiq, kiravering dedim-ku, — desa.
Adasi eshikni ochib:
— Tur-eee, padaringa la’nat hojatxonaga kirganinga besh soat bo‘ldi, chiqsang kiramanmi?!

Yangi kelin instagrammga kirmoqchi ekanini eriga aytgan ekan, eri qulog‘ini tagiga "layk" qo‘yib yuboribdi.

Bir yigit og‘aynisini uyida ujas kino ko‘rib turib, soatiga qarasa 23:55mish.
— Kech bo‘lib ketibdi-ku, og‘ayni meni katta yo‘lgacha kuzatib qo‘ysangchi, - debdi.
Yarim yo‘lga yetmaslaridan mehmon tomda turgan sharpani ko‘rib qolibdi. Sharpa huddi qiz bolaga
o‘xsharmishu, yuziga qanaqadir nur tegib turganmish. Mehmon:
— Og‘ayni orqaga qaytamiz, qara tomni tepasida vampir bor ekan, - desa
Og‘aynisi tomga qarab:
— Bu vampir emas, qo‘shnimizni qiziku. Telegram'ga kiraman deb antenna qidiryapti, - dermish

Uyda ayol kitob o‘qib o‘tirsa, o‘g‘li maktabdan kelib:
— Nima oyijon, internet ishlamayaptimi?!, - dermish.

Internet haqida latifalar

Latifa.uz loyihasi haqida

Boshqa loyihalar