Hayvonot rukniga oid latifalar | 10 dona — 2

Bir ayol bozordan to‘ti sotib olib, uyga kelgach qafasdagi to‘tiga qarab:
— Xo‘sh, rang-barang mahluq! – desa, to‘ti unga:
— Sen o‘zingni yuzingga surtib olgan ranglaring menikidan kam emas! – degan ekan.

Bir olim tajriba qilib ko‘rish maqsadida uchta maymunni olib, bittasini Yaponiyaga, ikkinchisini Xitoyga va uchinchisini O‘zbekistonga yuboribdi.
10 yildan so‘ng maymunlarni ko‘rishga borishsa, Yaponiyadagi maymun 3 ta bolali bo‘libdi. Xitoydagi maymun “Bizga ruxsat shu” deb 2 ta bola tug‘ibdi. O‘zbekistonga kelsa, maymun 1 ta bolasini ushlab o‘tirganmish. Olimlar maymunni egasidan so‘rashibdi:
— Nega bunaqa? Axir sizlar bolajon xalq edingiz-ku! – desa, maymunni egasi:
— O‘zingiz aybdorsiz! Menga erkak maymunni tashlab ketganingizni bilarmidingiz?! – degan ekan.

Alisher ismli bir odam gapiradigan to‘tiqush sotib olibdi.
Uyga olib kelsa hech gapirmasmush.
— Alisher dono degin, - deb to‘tiqushga bir hafta o‘rgatibdi. Baribir gapirmasmush.
Oxiri charchagan to‘tiqo‘sh tilga kirib:
— 8x6 nechi bo‘ladi Alisher? – debdi.
— Hayriyat-yey! Gapirding. Bilmadim nechi ekanini, - debdi haligi odam.
Shunda to‘tiqush:
— Shuni-yam bilmasang, nimangga Alisher dono deyishim kerak?! – dermish.

O‘qituvchi bolalarni hayvonot bog‘iga olib boribdi.
Bolalar:
— Bu maymunmi?
O‘qituvchi:
— Yo‘q, bu kassir!

Bir kuni ota-o‘g‘il baliq oviga borishibdi. Qarmoqqa katta baliq ilinibdi.
O‘g‘li:
— Dada, buni qanday o‘ldiramiz, - debdi.
Shunda otasi:
— Shuniyam o‘ylab turibsanmi? Suvga cho‘ktir, o‘zi o‘ladi, - debdi.

Ikkita olifta yigit shahar tashqarisidagi ko‘rimsiz bir mehmonxonaga kirishibdi. Yigitlardan biri mehmonxona xizmatchisiga:
— Bu molxonada bir kecha tunash nechi pul? – debdi haqoratomus.
Mehmonxona xizmatchisi:
— Bitta mol uchun 50 ming, ikkita molga 100 ming bo‘ladi, - degan ekan.

Bir ayol dugonasiga hasrat qilibdi.
— Voy, dugonajon! Men yaqinda suvarakka aylanib qolsam kerak...
— Nega?
— Erimga “Ozaman” deb so‘z bergandim. Endi faqat kechalari qorong‘u oshxonaga chiqib, berkinib ovqatlanyapman. Kimdir chiroqni yoqsa, o‘zimni qayoqqa qo‘yishni bilmay shoshib har tomonga yugurib qolaman.

Bir odam sehrli chiroq topib olibdi. Chiroqni ishqalasa, ichidan jin chiqib “3 ta tilak tila” debdi.
Haligi odam debdi:
— Menga 2 qavatli hovli bergin. Hovlini o‘rtasida Malibu mashinasi va mashina ichida yangi iPhone 11 Pro bo‘lsin. Bu birinchi tilagim!

Ikkita pashsha poyga o‘ynabdi.
Birinchi pashsha g‘olib chiqibdi. Ikkinchi pashsha mag‘lubiyati tan olmasdan bahona qilarmish:
— Hisobmas! Boshidan boshlaymiz!
— Nega? – debdi birinchi pashsha.
Shunda narigi pashsha:
— Agar uchib ketayotganimda, ko‘zimga chivin kirib ketmaganida men yutardim, - debdi.

Baliq do‘koniga kirib kattakon laqqa baliqni sotib olgan xaridor sotuvchiga debdi:
— Iltimos, shu baliqni peshtaxtaning narigi yog‘ida turib, menga otsangiz, men uni ilib olaman.
— Nega? – hayron bo‘lib so‘rabdi sotuvchi.
— Shunda men do‘stlarimga “Baliqni o‘zim tutdim!” deb bemalol maqtangan bo‘lardim-da, - dermish xaridor.

Hayvonot haqida latifalar

Latifa.uz loyihasi haqida

Boshqa loyihalar