Haydovchilar rukniga oid latifalar | 10 dona — 3

Ikki GAI xodimi yo‘lda zerikib turishgan ekan. Bir aravakash boboy ko‘rinib qolibdi.
GAIshniklar hazillashmoqchi bo‘lib boboyni to‘xtatishibdi.
— Otaxon, hujjatlaringizni ko‘rib qo‘yaylikchi.
Shunda otaxon qamchisi bilan otni dumini ko‘tarib:
— Bardachokda edi, olaqol!!!

Kunlardan birida hokim yo‘lda ketayotgan ekan, ko‘chada eshak yetaklab ketayotgan Afandini ko‘rib, shofyorga:
— Otaxonni yonida to‘xtat, bir bopli - debdi.
Hokim Afandiga qarab:
— Ha, Afandi, eshakni o‘qishga olib ketvosizmi? - deb shofyor bilan qotib kulishibdi.
Gapga javoban Afandi:
— Ha, o‘qishga olib ketvoman. O‘qisa hokim bo‘ladi, o‘qimasa shofyor - debdi

Yangi boylardan biri avtomobil do‘koniga kiribdi.
Sotuvchi:
— Keling, xizmat? Sizga qanday avtomobil kerak?
— Eng zo‘r avtomobil xarid qilmoqchiman.
— Mana Ford Fokus rusumidagi yangi model, -deb maqtab ketibdi sotuvchi.
— Nimasi Fokus ekan buni?!
— O‘tiring marhamat, ko‘rsataman.
Sotuvchi rulga o‘tirib, avtomobilni juda katta tezlikda haydabdi.
— Hoy to‘xtat, axir daraxt turibdi ro‘parada, -deb baqiribdi yangi boy.
— Havotir olmang, ko‘zingizni yuming, hozir fokus ko‘rasiz, -debdi-da, boy ko‘zini yumgach, daraxtni yonidan aylanib o‘tibdi.
— Yangi boy xayratlanib, avtomobilni sotib olibdi.
Uyga kelgach, barchaga fokus ko‘rsatmoqchi bo‘lib, avtomobilga o‘tirishlarini aytibdi.
— Endi hamma ko‘zlarini yumsin, biz hozir mana shu daraxt orasidan o‘tib ketamiz, bu fokus, -debdi.
Yangi boy avtomobilni chunonam tez haydabdi-ki, ular ulkan daraxtga borib zarb bilan urilibdi. Pachoqlangan avtomobil ichidan yangi boyning zo‘rg‘a ovozi eshitilibdi:
— Ming la’nat, qaysi biring ko‘zingni yummaganding?!

Bir haydovchini GAI to‘xtatib:
— Hujjatlaringizni taqdim eting, - debdi. Haydovchi hujjatlarni beribdi.
— Qoidani buzdingiz, jarima yozaman, - debdi GAI xodimi.
Haydovchi:
— Mayli, yozing,- debdi.
— Menga biror narsa taklif qilmaysizmi?, - debdi yana GAI.
— Menga turmushga chiqing, - debdi haydovchi.
GAI shu zahoti unga hujjatlarini qaytarib, qochib qolgan ekan.

— Eshitdingmi? Doniyor mashina olibdi!
— O, zo‘r-ku! Qanakasidan?
— «D» harfidan boshlanadiganidan.
— «Damas»mi?
— Yo‘q.
— «Dogan»mi?
— Yo‘q. Dab-dalasidan! Besh martta urilgan.

Bir kuni, bir yigit, yangi iPhone 7plus olib, shimining orqa cho‘ntagiga solib, taksiga chiqsa, "tirs" etgan ovoz eshitilibdi.
Yigit haydovchiga qarab:
— Ishqilib belim singan bo‘lsinda — dermish.

Boshliq xonasiga ayol kishi kirdi.
— Mumkinmi?
— Keling xizmat?
— Men sizning haydovchingiz Shoqosimni xotiniman. Erim menga xiyonat qilyapti!
— Siz buni qayerdan bildingiz?
— Kecha kostyumining cho‘ntagidan manabu ayollar ich kiyimini topib oldim!
Boshliq:
— Haydovchim hozir ustaxonada. Buni menga tashlab keting. O‘zim Shoqosim bilan gaplashaman, - debdi.
Boshliq ich kiyimni portfeliga solibdi. Ishlari ko‘payib ketib, haydovchisi bilan gaplashish esidan ham chiqib ketibdi.
Kechki payt uyiga kelsa, xotini:
— Dadasi, uyda non tugabdi. Pul bering, non olib kelay, - debdi.
Boshliq:
— Pul portfelimda, olaqol, - debdi. Xotini sumkani ochib, ich kiyimga ko‘zi tushibdi:
— Dadasi, bu kiyimimni uch kundan beri topolmayman. Sizda ekan-da, - dermish.

Uchta g‘irt mast bir taksini to‘xtatib chiqishibdi. Taksichi hazillashib mashinani o‘t oldirib joyidan jildirmay besh daqiqacha turib, keyin mashinani uchirib:
— "Yetib keldik tushinglar" — desa. Birinchi mast rahmat aytib tushib ketibdi. Ikkinchi mast yo‘lkirani to‘lab tushibdi. Uchinchisi taksichini boshiga bir shapatdan beribdi. Taksichi ichida bunisi sezib qoldi deb o‘ylab tursa...
Uchinchi mast
— "Sen odamlarning hayotiga javobgarsan! Ikkinchi bunaqa tez haydamagin" — dermish.

Bir yolg‘iz qariya avtomobilini katta tezlikda haydab ketayotsa, orqasidan GAI mashinasi quvlay boshlabdi. Chol tezlikni yanada oshirib, ulardan qochishga urinibdi. Oxiri qarasa, qochib ketishning iloji yo‘q! Avtomobilini to‘xtatib, tushibdi. Cholning yoniga GAI xodimlari kelib:
— Nega bizdan qochishga urindingiz otaxon?, - deyishsa, qariya o‘ylab ham o‘tirmay:
— Bir necha yillar ilgari xotinim meni tashlab, GAIda ishlaydigan erkak bilan qochib ketgan edi. Sizlarni ko‘rib, menga xotinimni qaytarib berishmoqchi deb o‘ylabman!, - dermish.

Bir jinni "Aldadim, aldadim" deb baqirib quvonib yurgan ekan. Undan bir yigit so‘rabdi:
— Kimni aldading?
— Taksi haydovchisini!
— Nima deb aldading?
— Pulini to‘lab, mashinasiga o‘tirmay qochib ketdim, - degan ekan jinni.

Haydovchilar haqida latifalar

Latifa.uz loyihasi haqida

Boshqa loyihalar