Haydovchilar rukniga oid latifalar | 10 dona — 22

Matiz avtomobilini orqasidan katta tezlikda kelib urgan Malibu 2 ni yoniga GAI xodimi kelib qarasa, oynalari qoraytirilgan Malibu 2 ni ichida shahar sudyasi o‘tirgan ekan. GAI sekingina Matizni yoniga borib "Hurmatli haydovchi! Siz Malibu 2 avtomobilini katta tezlikda quvib o‘tib, uni old tarafiga urdingiz! Hujjatlarni taqdim eting!" - dermish.

Haydovchini YPH xodimi to‘xtatibdi. Spirtli ichimlik hidini sezgan xodim:
— Hurmatli haydovchi, spirtli ichimlik iste’mol qilganmisiz? - debdi.
— Yo‘q, - debdi haydovchi.
Xodim yana:
— Sizni tekshiruvga olib boramiz...! - desa, haydovchi:
— Baliq yegandim, - debdi.
Xodim:
— Baliq yesangiz, spirt hidi keladimi? - deb so‘rabdi.
Haydovchi bo‘lsa:
— Baliq aroq ichgan ekan-da, - degan ekan.

Mashina haydab ketayotgan do‘stidan og‘aynisi so‘rabdi:
— Do‘stim, nega yo‘lning o‘ng va chap taraflariga qarayapsan? Axir bu yo‘l bir tomonlama harakatlanadigan yo‘l-ku?!
— E-e, bu yerni Qashqadaryo deydi. Kerak bo‘lsa tepaga ham qarash kerak!

— Hamma taksi haydovchilar davlat ishida ishlasa kerak.
— Nimaga unaqa deb o‘ylaysan?
— Ularni o‘zi shunaqa deyishadi-ku! Bo‘sh vaqtimda kira qilaman, o‘zimni ishim bor, biznesim bor deyishadi-ku!

Rulga o‘tirsang - piyodalar qo‘yga o‘xshaydi. Mashinadan tushib, piyoda yursang - haydovchilar molga o‘xshaydi.

YPH xodimi haydovchini to‘xtatib so‘ray boshlabdi:
— Haydovchilik guvohnomangiz bormi?
— Bor, marhamat.
— Mashinani texnik ko‘rik hujjatlari bormi?
— Albatta.
— Sug‘urta polisi?
— Bor.
— Aptechka?
— Bor.
— O‘t o‘chirgich?
— Bor.
— Hamma narsangiz bo‘lsa, bir ashulani sho‘xidan qo‘ying, qistir-qistir bo‘lar...!
— Iloji yo‘q. Kobalt mashinasida hamma narsa bor-ku, lekin magnitofon yo‘q...

Bir duduq kishi bo‘lgan ekan. Nuqul gapirsa, duduqlanib qolarkan. Bir kuni marshrutka to‘xtatibdi-da, eshikni ochib "Taq-taq, taq-taq" desa, haydovchi asabiylashib:
— Namuncha taqqillatasan?!, o‘tir tezroq! - debdi.
Duduq kishi bo‘lsa:
— Taq, Taqachiga boradimi? - deb so‘rabdi.

— Tog‘a, nega GAI xodimlari mashinalarni ko‘rganda yo‘lga yugurib chiqishadi?
— Ularni yosh boladek, mashina yo‘lidan ehtiyot qilishimiz kerak.

Taksida ona o‘g‘li bilan ketayotgan ekan. O‘g‘li haydovchidan ko‘zini uzmay qarayveribdi. Buni ko‘rgan haydovchi:
— Hoy bolakay, nega menga tikilib ketyapsan? – desa, bolakay:
— Yo‘lda yopiq turgan metan zapravkalarni ko‘rib siz ham adam aytgan so‘zlarni aytarmikansiz deb qarab ketyapman, - debdi.

Mashinamga 80 benzinni 5700 so‘mda quygani ketdim. Bahorda qaytaman.

Haydovchilar haqida latifalar

Latifa.uz loyihasi haqida

Boshqa loyihalar