Haydovchilar rukniga oid latifalar | 10 dona — 14

“O‘pkasi yo‘q” taksichi yo‘lovchini olibdi-yu, mashinani 120km/s tezlikda hayday boshlabdi.
Qo‘rqib ketgan yo‘lovchi:
— Iltimos, sekinroq haydang, - deb qo‘rqa boshlabdi.
Haydovchi bo‘lsa:
— Qo‘rqmang, meni farishtam bor. U meni asraydi, - debdi.
Yana ozgina yurgach:
— To‘xtating, bo‘ldi, shu yerda tushib qolaman, - debdi yo‘lovchi.
Taksichi mashinasida bir o‘zi tezlikni yana oshirib, ketayotsa, orqa o‘rindiqdan kimdir:
— To‘xtating, men ham tushib qolaman, - debdi.
— Kimsan o‘zi? - so‘rabdi haydovchi.
— Seni farishtangman, - dermish boyagi ovoz.

Bir kuni otaxon sigirini sotgani bozorga ketaëtsa, bir "Kamaz" to‘xtab:
— Keling otaxon mashinaga o‘tiring, - debdi.
Otaxon:
— Sigirnichi?
— Sigirni kamazni orqasiga bog‘lab qo‘ying, - debdi shofër
Otaxon sigirni bog‘lab qo‘yibdi. Yo‘lda otaxon uxlab qolibdi. Kamazni tezligi 100 km da ketaëtsa, mashina "garmoshkaga" tushgach, otaxon uyg‘onib ketib:
— Sigir nima bo‘ldi? - desa,
Shofër, orqa oynaga qarab:
— Otaxon sigirni tili o‘ng tomonga chiqib ketibdi, - desa
Otaxon:
— Unda mashinani chap tomonga ol. Bolam, sigir obgonga chiqmoqchi, - dermish.

Bir taksiga kiyimsiz ayol shoshib kelib o‘tirib olibdi.
Xaydovchiga qarab:
— Nega moshinani xaydamayapsan, nima meni yengiltak deb o‘ylayapsanmi?
Haydovchi:
— Yo‘l kirani qanday to‘lar ekan deb o‘ylayapman, - debdi.

Bir odam taksi to‘xtatib shoferga:
— Pax, Pax, Pax - debti.
Shofer:
— Obbo, kap-katta man tengi odam uyalmay yoshlikdagi o‘yinni o‘ynab yuribsizmi?!
Kliyentni ozgina xafa bo‘lganini ko‘rib:
— Bo‘pti mayli ko‘ngliz qomasin, A- A- A ana o‘ldim bo‘ldimi? Qayeqqa boramiz?
— Pax, Paaax, PPaxtakor Mmim-Metroga.

Ertalabki tig‘iz payt. Toshkent avtobuslari yo‘lovchilar bilan to‘la!
— Akrom aka, to‘xtab turing! Odam kevatti! - baqiribdi avtobus chiptachisi haydovchiga, uzoqdan yugurib kelayotgan yo‘lovchini ko‘rib.
Bir-ikki soniya ham o‘tmay:
— Akrom aka, haydang, ketdik. Proyezdnoy ekan...!

Gai xodimi:
— Yaxshi qiz haydovchilik guvohnomangiz bormi?
— Iltimos, olib qo‘ymang, undagi suratga juda chiroyli tushganmanda...

Bir kuni taksida qo‘rqoq, sarguzashtparast va ziqna odam ketayotishsa, birdan taksi yonidan boshqa mashina kelib urilibdi. Shu payt taksi mashinasi joyida aylana boshlabdi, haydovchi mashinani to‘xtata olmay sarosimada...
Qo‘rqoq:
— Voy-dod! To‘xtang mashinani! - deb baqira boshlabdi.
Sarguzashtparast haydovchiga:
— Iye, shoshmay turing! Selfivideo qilib olay! - desa, ziqna:
— Taksini kilometr hisoblagichini o‘chirmaysizmi!? - dermish.

Temir yo‘l kesishmasida avariya sodir bo‘libdi. Poyezd Kaptivani turtib ketibdi.
GAI xodimi kelib Kaptiva egasiga avariya qanday sodir bo‘ldi, - desa
Kaptiva egasi:
— Poyezd qizilga to‘xtamadi!, - dermish.

Juda xasis boylardan biri taksidan tushgach, cho‘ntagini kovlashga tushibdi.
Bir payt o‘ziga-o‘zi shivirlab:
— Hamyonim taksiga tushib qolibdi shekilli, - desa haydovchi shu zahoti mashinani haydab ketib qolibdi.
Shunda boy kulib:
— Do‘stim to‘g‘ri aytgan ekan... - dermish.

Bir otaxon nuqul mashinasi sochilib ketgan holda ustaga olib kelaverar ekan. Oxiri ustani achchig‘i chiqib:
— Ota mashinani juda yaxshi haydab ketasiz-ku!? Nimaga nuqul buzilib qolaveradi? Yuring-chi, - deb usta otaxonni mashinasiga o‘tiribdi.
Mashina yura boshlabdi.
— Birinchi skorstda 20 ga chiqamiz, ikkinchi skorstda 50 ga, uchinchi skorstda 80 ga, to‘rtinchi skorstda 120 ga, beshinchi skorstda 170 ga chiqib, yanada tezroq yurish uchun "raketa" degan R ga, - deb urgan ekan otaxon.

Haydovchilar haqida latifalar

Latifa.uz loyihasi haqida

Boshqa loyihalar