Erkaklar rukniga oid latifalar | 10 dona — 79

Afandi xotini bilan koreys serialini ko‘rib o‘tirib:
— Xotin seni bugundan boshlab koreyscha ism bilan chaqiraman, - debdi.
Shunda afandining xotini:
— Boy, dadasi menga qanaqa koreyscha ism qo‘ydingiz?
Afandi:
— Cenga Num-Yam degan ism qo‘ydim xotin, - debdi.
Xotini:
— Dadasi chiroyli ism tanlabsiz menga. Ma’nosi nima? - desa.
— Teskari o‘qib ko‘r, - dermish.

O‘g‘li 18 ga to‘lgan ota, yengil nafas olib o‘g‘liga dedi:
— Oyinga borib ayt, 18 ga kirding, endi aliment to‘lamayman! Qay axvolga tusharkan, menga keyin aytasan.
O‘g‘li hamma gapni oyisiga aytibdi. Oyisi:
— Otangga borib ayt, 18 yil birovni bolasi uchun pul to‘ladi, qay ahvolga tushishini aytarsan, - dermish

Er-xotin yangi xonadonga ko‘chib o‘tishibdi. Xotin eriga:
— Jonim, uyimizning devorlari ingichka ekan. Sal balandroq gapirsam, qo‘shnilarga eshitiladi. Shu devorlarni qalinrog‘iga almashtirsakmikan? – desa, eri xotirjam o‘tirib:
— Havotir olma! Qo‘shnilarning o‘zi seni ovozingni eshitishlari bilan devorlarini almashtirib olishadi, - dermish.

— Og‘ayni, senga achinaman! Uylanganingga bir oydan oshibdi-yu, haliyam paypog‘ingni o‘zing yuvyapsan-a!
— Nima? Ko‘z bormi o‘zi senda? Bu xotinimning paypog‘i-ku!

— Azizam, bizning o‘g‘limiz judayam iste’dodli ekan! Bugun stolni ustiga pashshani rasmini chizgan edi, uni o‘ldiraman deb qo‘llarim rosa og‘rib ketdi!
— Bu hali xolva, kecha hammomda u chizgan ilonni ko‘rib, u chizgan eshikka qochganimni etmaysanmi?

Nonushta payti eri xotiniga:
— Kecha futbolni kutmay uxlab qolibman. Internetdan natijasini bilib olishim kerak, - desa, xotini:
— Biznikilar 2:1 ga yutqazishdi, - debdi.
Eri:
— Nima sen futbol ko‘rdingmi?
Xotini:
— Yo‘q. Qo‘shnimiz tunda bir martta "Gol" va ikki martta "Padaringga la’nat" deb baqirganini eshitdim.

Ishdan xursand bo‘lib qaytgan eridan xotini so‘rabdi:
— Nega bugun xursandsiz?
— Meni ishdan bo‘shatishdi, - debdi er.
— Axir buni nimasiga xursand bo‘lyapsiz?
— Qolganlarni qamashdi-da xotin..., - dermish eri.

— Adasi, hanuzgacha menga biror martta gul sotib olmagansiz...!
— Hali tiriksan-ku, xotin...!

Bir qiz internetda o‘tirgan ekan, qo‘shni xola kirib:
— Qachon qarasam shu kompyutering oldida o‘tirasan. Nima qiziq narsalar bor bu yerda?, - deb so‘rab qolibdi.
Qiz esa:
— Internetdagi "Google" ni sizga tushuntiraman. Mana qarang, nimani xohlasangiz topib beradi, - debdi.
Qo‘shni ayol ham qiziqib:
— Nima so‘rasam hamma-hammasini topib beradimi?
— Ha, xamma narsani topadi. Xohlasangiz mana yozib, izlab ko‘ring.
Qiz klaviaturani qo‘shni xolaga berib, o‘zi choy damlab kelib qarasa, ekranda shunday yozuvlar turgan ekan:
"Assalomu alaykum hurmatli Gugl aka! Iltimos, menga erimning jazmani qayerda yashashini topib bersangiz!"

Afandi betob bo‘lib yotsa, xotini tepasida yig‘lab o‘tirgan ekan. Afandi unga termulib:
— Bor, chiroyli kiyimlaringni kiyib, o‘zingga qarab chiq! – debdi.
Xotini:
— Qo‘ying-e, hozir ko‘nglimga pardoz-andoz sig‘armidi?! – desa, afandi uni koyib:
— Ahmoq xotin! Hozir Azroil kelib qoladi. Seni ko‘rib, meni unutib qo‘yarmikin deyman-da, - debdi.

Erkaklar haqida latifalar

Latifa.uz loyihasi haqida

Boshqa loyihalar