Erkaklar rukniga oid latifalar | 10 dona — 68

Xotin erini do‘konga jo‘natayotib tayinlabdi:
— 1 ta buxanka non olingda, tuxumni so‘rang. Bor bo‘lsa, 10 ta oling!
Eri do‘konga kirib sotuvchiga debdi:
— 1 ta buxanka bering. Tuxum bormi?
— Bor, - debdi sotuvchi.
— Unda 10 ta buxanka berasiz, - dermish eri.

Erim qafasdagi konoreykalarga don, suvdan tashqari olma, banan, qulupnay, qizil sabzi, qaynatilgan tuxum beradi. Yomg‘ir yoqqanida qafasni issiqqina uyga olib kiradi. Havo yaxshi bo‘lsa qafasni hovlining eng bahavo joyiga iladi.
Shu qushlarga aylanib qolgim kelyapti...!

Juda qalin dugonalar suhbatlashmoqda:
— Bilasanmi, erim meni “Quyoncham” deb chaqira boshladi.
— Axir bu zo‘r-ku!
— Nimasi zo‘r?! Erim ismimni unutib qo‘yganga o‘xshaydi....!

Xotinining janjallaridan to‘yib ketgan er ortiq bundan yashab bo‘lmasligini tushunib yetibdi. “Bir nima qilishim kerak!” deb o‘ylabdi-da, shartta derazani ochib tokchaga chiqibdi. 6-qavatdan pastga qarab tursa, xotini chiqib qolibdi:
— Nima qilyapsiz, adasi? – debdi xotini.
— Xayr xotin! Ortiq sen bilan yashay olmayman! Jonga tegdi! Hozir o‘zimni shu yerdan tashlayman! – debdi eri.
Xotini yugurib oshxonaga kirib ketibdi. Zum o‘tmay, qo‘lida axlat chelak bilan chiqib debdi:
— Adasi shuni ham olib keting. Baribir pastga ketyapsiz-ku...!

Bir kuni er-xotin urishib qolibdi.
Eri:
— Sen bilan ortiq yashay olmayman. Narsalaringni olgin-da, ota uyingga jo‘na! – debdi.
Xotini ketibdi.
Kun kech bo‘lgach, eri sekin telefonni olib xotiniga qo‘ng‘iroq qilib debdi:
— Onasi, boraymi...?!
— Mayli. Faqat bitta shartim bor.
— Ho‘sh?..
— Oshxonaga kiring.
— Kirdim.
— Qo‘lingizga likopchani olib, uni zarb bilan yerga uring!
— Urdim.
— Endi siniqlarini yig‘ib, avvalgi holiga keltiring.
— Iye, xotin. Men plastik tarelkani yerga urgandim. Singani yo‘q...!
— Obbo! Ming yillik rivoyatni rasvo qildingiz. Keling, tezroq olib keting. Ota-onamga birrovga keldim, degandim, - debdi xotini.

Er xotiniga debdi:
— Onasi, bugun uyimizga yaqin do‘stimni mehmonga chaqirdim.
Xotini:
— Nima? Mehmon? Bola kasal, meni ishlarim boshimdan oshib yotibdi. Uyni ahvoliga qarab bo‘lmaydi. Muzlatgich bo‘m-bo‘sh! Bu kishim mehmon chaqirganmushlar...!
Eri:
— Shuning uchun ham chaqiryapman-da! Do‘stim bo‘ydoq. Oxirgi payt uylanish haqida ko‘p uylayapti. Biznikiga kelib uylangandan keyingi hayotini bir ko‘rib ketsin degandim...

Agar xotiningiz sizga sakray boshlasa, jim turmang. O‘zingizni kim ekanligizni ko‘rsatib qo‘ying. Oshxonaga kirganingizda ming‘ir-ming‘irini boshlasa, shart etib idishlarni yuvib, ovqat pishirib qo‘ying. Vannaga kirganizda gapirsa, paypoqlarni chayib qo‘ying. Dazmol, changyutgich ham xotinizga qarshi kurashish qurollariga aylansin. Urushishga bahona topolmay bir alam qilsin!

— Kecha erim bilan yana urishib qoldik...
— Opa, siz o‘zi ahmoqqa erga tekkansiz!
— Nega erim ahmoq ekan?
— Ahmoq bo‘lmasa sizga uylanarmidi!?

Yarim tunda uyga mast ahvolda kirib kelgan erini yoniga xotini kelib:
— Sizga nima deyishni ham bilmay qoldim, - desa, eri:
— Hayriyat-yey, seni-yam gaping tugar ekan-a, - dermish.

Bir ayol eriga debdi:
— Shu sigaretni qachon tashlaysiz?! Bir hafta o‘zingizni majburlab chekmasangiz, sabr qilsangiz tashlaysiz-ku!
Eri:
—Mayli xotin. Sen ham bir hafta telegramga kirmasang, chekishni tashlayman, - desa, xotini:
— Menga nima? Chekavermaysizmi!? O‘zingizga zarar qilyapsiz, - deb o‘girilib ketibdi.

Erkaklar haqida latifalar

Latifa.uz loyihasi haqida

Boshqa loyihalar