Erkaklar rukniga oid latifalar | 10 dona — 12

Juda ayyor o‘g‘ri birovni xonadoniga o‘g‘rilikka kirgan ekan, uy egasi kelib qolibdi. O‘g‘ri kiyim shkafiga kirib, berkinib olgancha yarim tungacha yotibdi. Yarim tunda uy egasi uxlab yotganida sekin shkaf eshigini ochib qarasa hech kim yo‘q. Qimmatbaho shubani olib sekin chiqib ketayotgan mahal uy egasi ko‘rib qolibdi.
— Hoy to‘xta! Kimsan? Qayoqdan chiqding? – debdi.
O‘g‘ri:
— Menmi? Kiyim yeydigan kuyaman. Shkafdan chiqdim, - debdi.
Uy egasi:
— Shubani qayoqqa olib ketyapsan? – desa, o‘g‘ri:
— Uyda yeyman, - deb javob bergan ekan.

Yoshi ellikdan oshgan, soch-soqoli oqargan odam yosh bir qizga uylanibdi, sartaroshga borib:
— Usta, yaqinda uylandim. Sizga malol kelmasa, shu sochimdagi, soqolimdagi oqlarni olsangiz, - debdi.
Sartarosh pinagini buzmay mijozning soch-soqolini tagidan qirtishlab olibdi. So‘ng olingan sochlarni haligi kishining oldiga qo‘ydi.
— Kechirasiz, juda shoshilinch ishim chiqib qoldi. Sizga malol kelmasa, oqlarini ajratib tursangiz, - deb chiqib ketibdi.

Bir kal odam boshidan burga ushlab olibdi.
— Meni boshimda nima qilasan? Sochi borlarni boshiga kirsang bo‘lmaydimi?! – debdi kal.
Burga unga qarab:
— Men konki uchayotgandim-da, - dermish.

Ota va bola negarlar plyaj yonidagi do‘konga kirib quyoshdan himoyalovchi krem xarid qilib tursa, bir kishi kelib so‘rabdi:
— Sizlar buni nima qilasizlar?
Ota-bola javob bergan ekan:
— Buni yuzimizga surtmasak, qorayib ketamiz.

Bir kishi 7-qavatdagi uyida sigaret chekib bo‘lib, axlat chelagi yoniga borishga erinib, qoldig‘ini ochiq derazadan pastga uloqtirgan ekan, pastda turgan kichkina bolakay debdi:
— Amaki, bunaqa qilish mumkin emas. Bu yomon odat!
Bu gapni eshitgan kishi erinmasdan kiyimlarini kiyib, 7-qavatdan pastga zinadan tushib ketayotganmish “Bir ta’ziringni berib kelay sen bolani. Hali senmi menga aql o‘rgatadigan”! deb.

Agar erkak mashinasidan tushayotgan ayolga eshiklarni ochib tursa, demak...
Ikkalasidan bittasi hali yangi ekani aniq!

Bir odam to‘tiqush sotib olib:
— Xo‘sh, menga o‘xshab gapira olasanmi?, - deb so‘rasa, to‘tiqush haligi odamga qarab:
— Men-ku gapirishni bilaman. O‘zing-chi, uchishni bilasanmi?, - dermish.

Avtobusga og‘ir sumkalar bilan chiqqan ayol birorta bo‘sh o‘rindiq topa olmabdi. O‘tirgan erkak yo‘lovchilar esa o‘zini uxlayotgandek ko‘zini yumib olibdi.
Ayol ovoz chiqarib:
— Tushunarli, birorta ham erkak yo‘q ekan, - desa, o‘tirganlardan biri:
— Erkaklar bor. O‘rindiqlar yo‘q, - dermish.

Er uyiga yugurib kelib, oshxonadan xotinini ko‘tarib chiqib spalniga qarab yuguribdi.
Xotin hayron, 5 yilda birinchi marta deb er, xotinini spalniga yotqizib, ustiga o‘zi yotib. Adiyol bilan ustilarini yopib xotiniga qarab:
— Qara soat oldim qorong‘ida yonadi, debdi

— Nimaga har gal ichayotganingda ko‘zingni yumib olyapsan?
— Men xotinimga yangi yilda umuman qadahga qaramayman deb va’da berganman...

Erkaklar haqida latifalar

Latifa.uz loyihasi haqida

Boshqa loyihalar