Doʻkon-bozor rukniga oid latifalar | 10 dona — 3

Afandi bozorga to‘ti sotgani chiqibdi. To‘tisining bir oyog‘iga qizil, ikkinchi oyog‘iga oq ip bog‘langan emish.
Odamlar:
— Afandim, bu iplarni nega bog‘ladingiz, - desa,
Afandi:
— Bu to‘ti donishmand. Qizil ipdan tortsanggiz so‘kadi, qarg‘aydi. Oq ipdan tortsangiz, yaxshi gaplarni gapiradi, - debdi.
Bir kishi:
— Ikkala ipni baravar tortsa nima bo‘ladi? - desa,
To‘ti:
— Baraka topgur, kaltafahm, tentak ekansan, ... yiqilib tushaman-ku! - dermish.

Bir odam do‘kondan baliq sotib olgani borgandi, baliqlarning ichida bir qiyshiq baliq turganmish. Shunda haridor sotuvchiga qarab:
— Aka, nega bu balig‘ingiz qiyshiq desa.
— Ha, bu baliqni burilishda ushlaganmiz dermish.

Do‘konga chiqib kelishini so‘ragan xotin erining qo‘liga xarid ro‘yxatini tutqazibdi:
1. Non
2. Tuxum
3. Quruq choy
4. Sovun
5. Pivo
Er do‘kondan qaytgach, xotin xarid qilingan narsalarni xaltadan ola boshlabdi: Bitta non, ikkita tuxum, uch quti quruq choy, to‘rtta sovun va besh shisha pivo.
Jahli chiqqan xotin eriga hech qanday e’tiroz bildirolmabdi-yu, lekin keyingi safar pivoni ro‘yxatning boshiga yozishni yodidan chiqarmabdi.

Bir odam «Zaporojets» mashinasini servisga olib kelib ustaga debdi:
— Mashinamga titan disklar qo‘ydirmoqchi edim.
— Bir million bo‘ldi.
— Yana «Ferrari»ni motorini ham.
— Besh million to‘laysiz.
— Tyuning o‘rnatib bersangiz, ichidan va tashqaridan!
— Uch million qo‘shasiz.
Mashina egasi hayron bo‘lib:
— Hazillashyapsizmi?! - desa, usta:
— Siz birinchi boshladingiz-ku hazilni, - degan ekan.

Sport do‘konida.
— Parashyut bormi?
— Bor.
— Yaxshisidan bering.
— Mana buni oling. Kafolati bor. Sakragan vaqtingizda ochilmasa, olib kelavering, almashtirib beramiz...

Ikki abituriyent institutga hujjatlarini topshirib bo‘lib, uyga qaytishda kechki ovqatga tovuq olish uchun do‘konga kiribdilar. Qarashsa, tovuq va tuxum sotayotgan sotuvchi rus ayol ekan.
— Sen rus tilini bilasanmi? – so‘rabdi do‘sti.
— Yo‘q, - debdi sherigi.
— Mayli, hozir shoshmay tur! – deb, sotuvchini yoniga boribdi-da, tuxumni ko‘rsatib “Mama gde?” – debdi do‘sti.

Afandi yog‘ olish uchun kosa ko‘tarib bozorga boribdi. Yog‘furushdan bir tangalik yog‘ so‘rabdi. Yog‘furush bir tangalik yog‘ni kosaga quygan ekan, kosa to‘lib, ozginasi ortib qolibdi.
— Qolganini nima qilamiz? - so‘rabdi yog‘furush.
— Orqasiga quy, - deb afandi kosani ag‘dargan ekan, ichidagi yog‘ to‘kilib ketibdi. Afandi ham ozginagina yog‘ni ko‘tarib, uyiga kelibdi. Yog‘ni ko‘rgan xotini qichqiribdi:
— Shu yog‘ni oldingiz xolosmi?
Afandi bo‘lsa:
— Ey nodon, ko‘p qichqirma! Bu yog‘ida ham bor, - debdi-da, kosani ag‘dargan ekan, qolgan yog‘ ham to‘kilib ketibdi.

Bir kishi magazinga kirib Koka-kolani ko‘rsatib:
— Sosa-sola qancha, - debdi. Sotuvchi:
— Bu sosa-sola emas, bu inglizcha Koka-kola deyiladi, - debdi.
Shunda xaridor:
— Anavi Komka qancha unaqada? - desa, sotuvchi:
— Bu Komka emas, Somsa, - dermish.

Bozorda bir kishi sotuvchiga:
— 7-sinfda o‘qiydigan bolaga oyoq kiyimi bormi? - debdi.
— Aniqroq ayting, topiladi, - deb so‘rabdi sotuvchi.
— Aniqrog‘ini aytsam, 7 "V" sinfida o‘qiydigan bolaga.

Bir kishi bozordan sotib olgan to‘tiqushini gapirishga o‘rgatyapti:
Kishi:
— Men yurishni bilaman.
To‘ti:
— Men yurishni bilaman.
Kishi:
— Men gapirishni bilaman.
To‘ti:
— Men gapirishni bilaman.
Kishi:
— Myen ucha olaman.
To‘ti:
— Aldama!

Doʻkon-bozor haqida latifalar

Latifa.uz loyihasi haqida

Boshqa loyihalar