Ayollar rukniga oid latifalar | 10 dona — 55

Er jahl bilan xotiniga:
— Nimaga shimimni faqat yarmini dazmollading? - desa.
Xotini:
— Men sizga 100 marta aytdim, "dazmolimizni simi kalta, boshqa dazmol sotib oling deb", - dermish.

Uchta yosh qiz vokzalda yurib ketayotgan poyezd ortidan "hay-hay"lab yugurib borishayotgan ekan. Bir payt ikkitasi poyezdga yetib, chiqib olibdi. Poyezd jo‘nab ketibdi. Uchinchi qiz esa qo‘lidagi yuklari bilan ularning ortidan xandon otib kula boshlabdi. Vokzal navbatchisi:
— Nega kulyapsiz?, - desa, qiz:
— Anavi poyezdga chiqib ketgan dugonalarim aslida meni kuzatgani chiqishgan edi, - debdi.

Xotini xasis eridan so‘rayapti:
— Dadasi, bugun ovqatga tuxumni oqini solaymi, sarig‘inimi?
— Bugun bayram, mayli butun solaqol!, - dermish eri.

Irim-sirimlarga ishonasizmi?
Xotin uydan chiqsa, pul ketarmish...

Bir bola do‘stiga qo‘ng‘iroq qilsa, do‘stining onasi go‘shakni ko‘taribdi:
— Allo, kim bu?
— Do‘stim Alisher uydami?
— Ha, u uyda!
— Telefonni unga bera olasizmi?
— Yo‘q!
— Nega axir? Uyda dedingiz-ku?!
— Lekin men ko‘chadaman-da!

Bir ayol pul topib olibdi, sanaychi deb qo‘liga tupursa pulga tegib ikki baravar ko‘payibdi, yana tupursa ko‘payib borarmish. Tupuraveribdi, tupuraveribdi. Bir payt qars etib qulogi ostiga shapaloq tushibdi. Qarasa eri o‘tirganimish:
— Hamma joyni tupurib rasvo qilding-ku, uyg‘on, padaringa la’nat!

— Oyijon, bugun maktabimizda bitirish kechasi bo‘lib o‘tadi. Brilliant uzugimni taqsam maylimi?
— Yo‘q! Mumkin emas!
— Nega endi mumkin emas?! Yangi yilga sovg‘a qilingan tilla zanjirni taqish mumkin emas, 8 martda sovg‘a qilingan "Matiz"ni minish mumkin emas — buvimnikida chang bosib yotibdi. Sakkizta lama paltoim bor, birortasini kiyib ko‘chaga chiqqanim yo‘q! Qachon mumkin bo‘ladi, qachon?!
— Ona qizim, adang nafaqaga chiqqandan so‘ng! Hozircha u oddiygina DAN xodimi, shuning uchun mumkin emas!

Ayol eriga qarab:
— Bundan keyin aroq ichmaslikka so‘z berasizmi? – debdi.
Eri bo‘lsa xotinini yonida shirakayf turib, hayol suryapti:
“15 yildan beri shu xotinim bilan yashayman. Haliyam mendan umidi katta...”

Bir kishi shoshilib kirib xotinini chaqirdi-da, ko‘ylagini ko‘tarib “Belimga tupur”, deb buyurdi. Xotin uning bu amridan ajablandi.
— Bo‘laqol, belim og‘rib, jonimni olyapti. Do‘xtirga borgan edim, ilonning zahrini surting dedi. Dorixonada bunaqasi yo‘q ekan. O‘zing tupurib qo‘ya qol, tilingga tegib chiqqan tupuging o‘nta ilonning zahriga tatiydi.

Qizim ichvoganmisan?
Qiz:
— Yo‘q oyi nimalar deyapsiz?
— Birinchidan devorga suyanib kelyapsan, ikkinchidan og‘zingdan hidi kelyapti, uchinchidan men oyingmas dadangman!

Ayollar haqida latifalar

Latifa.uz loyihasi haqida

Boshqa loyihalar