Ayollar rukniga oid latifalar | 10 dona — 39

Bir ayol hamkasbi bo‘lgan erkakka yoqish uchun:
— Egnimdagi ko‘ylak sizga yoqdimi? - deb so‘rayveribdi, so‘rayveribdi...
Beshinchi marotaba so‘ragach, haligi erkak chiqday olmay:
— Keling, shu "masalani" yechib qo‘ya qolaylik! - degan ekan.

Erini ko‘rgani kelgan xotin, yig‘lagancha palataga kirib keldi.
Eri:
— Ha xotin, nima bo‘ldi?
Xotin yig‘laganicha:
— Kecha onamni mashina urib ketdi, - desa...
Er:
— Xotin bilasanku jag‘im singan. Meni kuldirma, - dermish

Chilonzor buyum bozoridan o‘g‘liga ko‘ylak xarid qilmoqchi bo‘lgan ayolga sotuvchi debdi:
— Juda-yam sifatli matodan tikilgan! Turkiyadan olib kelingan. Katta yigit bo‘lguncha kiyadi, ...
Ayol ko‘ylakni xarid qilib, yonida turgan kichkina o‘g‘ilchasiga kiydiradi-yu, ko‘chaga chiqgan zahoti yomg‘ir yog‘ib, bolakayni ustidagi ko‘ylak shalabbo bo‘ladi. Qarasa, yangi ko‘ylakni yengi qisqarib, o‘zi torayib, rangi oqarib ketadi. Ayol shu zahoti jahl bilan do‘konga qaytib borsa, ro‘parasidan chiqgan sotuvchi:
— Voy-vu, kap-katta yigit bo‘lib ketibsan-ku...- dermish.

Bekatda bir yigit yonidagi chiroyli qizga:
— Men sizni tanidim. Kecha klubda ichki ko‘ylakda raqs tushgan qizsiz, shundaymi? - desa, qiz:
— Ha, demak siz ertaroq ketib qolgan ekansiz-da, - dermish.

— Jonim, man Juletta, siz esa mani Romeom bo‘lishingizni xohlayman!
— Nima san mani, zahar ichib o‘lishimni xohlaysanmi?

Kichkintoy Abduraimning onasi, har doim jinsi shim kiyib yurar ekan. Bir kuni to‘yga borish uchun ko‘ylak kiysa, kichkintoy Abdurayim:
— Voy oyi, siz ayolmisiz? - dermish.

Ikki ayol qamoqxonaning bir xonasida uch yil o‘tirishibdi. Jazo muddati tugab, ozodlikka chiqarishsa, qamoqxona darvozasi oldida yana yarim soat gaplashib turishgan ekan.

Bir kampir magazinga kirib, sotuvchi qizdan so‘rabdi:
— Qizim, sizlarda muzlatilgan tovuq bormi?
Qiz muzlatgichga karasa, bitta tovuq bor ekan:
— Ha, bor. Sizga nechta kerak?
— Bittasini tortginchi?
— Mana, 1.5 kilo...
— Og‘irrog‘idan bormi?, - debdi kampir.
Qiz boyagi tovuqni bildirmay aylantiribdi-yu, yana tortibdi:
— Bunisi 2 kilo. Bo‘ladimi?
— Bo‘ladi qizim. Ikkalasiniyam o‘rab ber. Nevaralarimga bir tabaka qib beray!

Futbol hakami kechasi xotinini erkalayotsa.
Xotini:
— Charchadim uxlayman, - desa
Hakam shartta sariq kartochka ko‘rsatibdi.
Xotini:
— Nimaga?
— Simulyatsiya uchun, - debdi.
Bir biriga teskari qarab yotishibdi. Oradan yarim soat o‘tgach, xotini eriga qizil kartochka ko‘rsatib turarmish.
Eri:
— Nimaga?
— Qo‘l bilan o‘ynaganiz uchun.

Ayollar hammomiga o‘t tushibdi. O‘t o‘chiruvchilar kelishsa, hammomni oldida bir kishi qotib-qotib kular, o‘t o‘chiruvchilarga qarab hadeb, — Kech qoldinglar, kech qoldinglar, - dermish.
— Nega kech qolarkanmiz? Hammom hali yonib tugamadiku, - deyishsa
Haligi kishi:
— Hammom yonib tugamadi-yu, yalang‘och xotinlar tum-taraqay bo‘lib qochib bo‘lishdi, - dermish.

Ayollar haqida latifalar

Latifa.uz loyihasi haqida

Boshqa loyihalar