Ayollar rukniga oid latifalar | 10 dona — 25

Bir ayolning telefoni jiringlab qolibdi.
Ayol go‘shakni ko‘tarib:
— Allo! – debdi.
Bir odam:
— Farzandlaringiz bizni qo‘limizda! - desa,
Ayol qo‘rqib ketib, yalina boshlabdi:
— Barcha shartlaringizga roziman! Iltimos, faqat bolalarimni qaytaring???
Shunda haligi odam:
— Esingizni yeganmisiz...?! Tezroq keling, hademay bog‘cha yopiladi, – dermish.

Yaxshi qiz, men bilan kinoga tushasizmi?
— Mayli...
— Yigitingiz rashk qilmaydimi ishqilib?
— Meni yigitim yo‘q. Uni erim konsertga birga tushganimiz uchun urib o‘ldirib qo‘ygan!

Dorixonaga kirgan ayol sotuvchiga murojat qildi:
— Sizda soch o‘stiradigan dori bormi? Iloji bo‘lsa, ta’siri kuchlirog‘idan...
Sotuvchi:
— Albatta, juda-yam kuchlisidan bor!
Xaridor:
— Bunga biror dalil ko‘rsata olsizmi?
Sotuvchi kassa yonida turgan sermo‘ylov erkakni ko‘rsatib debdi:
— Anavi ayol hozirgina shu dorini xarid qildi. Dori qopqog‘ini tishi bilan ochishga uringan edi...

Bir kuni Afandi bilan xotini hayvonot bog‘iga borishibdi. Xotini hayvonlarga qarab yig‘laganini ko‘rib, uning yoniga borib mehribonlik bilan so‘rabdi:
— Xotin nega yig‘layapsan?
— Dadasi qarang, shuncha shuba bekorga yotibdi-ya.

— Allo, bu texnika anjomlari do‘konimi? Kecha sizlardan chang yutgich sotib olgan edim. Juda kuchli ishlaydi degandingiz.
— Eshitilmayapti, qattiqroq gapiring!
— Allo, allo. Men chang yutgich qopchasini ichidaman, allo...

Qimor o‘ynab o‘tirgan erkaklar orasida bittasi to‘satdan vafot etibdi. Oila a’zolariga bu shumxabarni qanday yetkazishni bilmay, oxiri eng katta qimorboz borib aytadigan bo‘libdi.
Vafot etgan qimorbozni uyini eshigini xotini ochibdi:
— Bilasizmi, sizni eringiz qimor o‘ynab o‘tirib, hamma narsasini yutqazib qo‘ydi. Mashinani ham, uyni ham, pullarni ham, dalahovlini ham...
— O‘lib ketmaydimi, menga desa, - debdi g‘azablangan xotini.
Bu gapdan yengil tortgan qimorboz shoshilib:
— Shunaqa bo‘ldi, siz aytgandek bo‘ldi! - dermish.

Hayotda oliyjanob erkaklar qolmagani haqidagi gaplar noto‘g‘ri. Mana masalan, men bugun xotinimga soyabon tutib turdim. U mashina g‘ildiraklarini tezgina almashtirib oldi...

— Dugonajon, kecha erim meni xafa qildi.
— Nega? Nima bo‘ldi?
— Go‘zallik saloniga 300 ming so‘ragandim.
— Bermadimi?
— Menga tikilib qarab turdi-da, 500 ming berdi!

Boshliqni yoniga kirgan kotiba debdi:
— Korxonamiz hisobidan menga isitgich olib berilsa, moliyaviy ahvolimiz yomonlashib qolmaydimi?
Boshliq:
— Yo‘q, albatta.
Kotiba:
— Unda menga mo‘ynali palto olib berishlarini buyursangiz...!

Bir ayol derazadan qarab turib, ro‘paradagi uyda kir osib chiqayotgan qo‘shnisini ko‘rsatib:
— Adasi, qarang! Anavi ayol kirlarni chala yuvar ekan, - debdi.
Eri indamabdi. Ertasiga, indinga yana shu holat takrorlanaveribdi. Uchinchi kuni xotini derazadan qarab:
— Hayriyat-yey, anavi ayol bugun kirlarni tozza yuvibdi, - desa, eri:
— Yo‘q, men ertalab derazalarimizni artib qo‘ydim, - dermish.

Ayollar haqida latifalar

Latifa.uz loyihasi haqida

Boshqa loyihalar