Ayollar rukniga oid latifalar | 10 dona — 101

Xotini eriga qarab debdi:
— Kechirasiz dadasi, sizni bilmay “sensirab” yuboribman.
Eri:
— Xijolat bo‘lma xotin. Men ham seni bir martta “sizlab” olaman, oramiz ochiq bo‘ladi, — degan ekan.

Xotin erini yoniga kelib debdi:
— Adasi, ertaga onamni tugʻilgan kunlari, nima sovgʻa qilamiz?
— Onang nechi yoshga toʻladilar? – soʻrabdi eri.
— 50ga toʻladilar. 50 ming beramizmi? – debdi quvonib.
Er:
— 50 ming yoshga toʻlmayaptilar shekilli!? – debdi jahl bilan.

Ishga shoshilib chiqib ketayotgan erini xotini to‘xtatibdi:
— To‘xtang-chi adasi. Hech narsani unutmadingizmi? – debdi har kuni ishga ketishdan avval bolalari bilan hayrlashib ketishi kerakligini eriga eslatmoqchi bo‘lib...
Eri shoshib-hovliqib cho‘ntagini kavlabdi-da 10 ming chiqarib, xotiniga berib “Boshqa yo‘q, ushla! Bori shu!” deb yugurib chiqib ketavergan ekan..

Er-xotin mashinada ketayotishsa, eri magnitofonni ovozini baland qilib, xotiniga "Eshit!", - debdi.
Sherali Jurayevni ''Birinchi muhabbatim'' qo‘shig‘i yangray boshlabdi. Er goh rulga mushtlar, goh "uf-f" deb bosh chayqatar ekan.
Buni ko‘rgan xotini janjal boshlabdi:
— Ha, qarigan chog‘ingizda...?! Birinchi muhabbatingiz yodingizga tushib qoldimi!? Uyatsiz, beandisha, sharmanda...
Er bo‘lsa yana bosh chayqatib:
— Eh xotin, nimalar deyapsan!? Chap tarafdagi kalonkadan "chars-chars" degan tovush chiqyapti. Yangisini olish kerak endi..., - dermish.

Televizor ko‘rib o‘tigan erimni yoniga kelib:
— Adasi, bugundan boshlab siz bilan do‘st bo‘lmoqchiman! Menga ishonishingiz mumkin! - dedim.
Shu payt erim o‘rnidan turib, berkitgan joydan pivoni olib, quyib berdi-da, menga qarab:
— Qachon yana billiardga boramiz? - desa bo‘ladimi!!!

Er xotiniga debdi:
— Xotin, mabodo men o‘lib qolsam, kimga tegasan?
Xotini:
— Kimligini bilolmadim. Lekin telefon raqamini berib ketgan, - dermish.

Kechasi uyga kirib kelgan er nimadan janjal chiqarishni bilmasdan, xotiniga:
— Chiroqni yoq! Endi o‘chir, yoq, o‘chir, ...- deyaveribdi.
Birozdan keyin xotinini bir urib:
— Kechasi xushtoringga signal beryapsanmi? - dermish.

Er xotinidan so‘rabdi:
— Agar sen erkak bo‘lsang, nima qilarding?
Xotini:
— O‘ziz-chi? – debdi.

Xotin eridan so‘rabdi:
— Oylik oldingizmi adasi?
Eri kesatishli ohangda:
— Bugunmas! Charchadim! - dermish.

Sudya:
— Eringiz sizni mushugim deb erkalar ekan. Nega ajrashaman deyapsiz?
Xotin:
— Axir erim "Mushuklar balandlikdan sakrasa, oyog‘i bilan tusharkan" deb derazadan tashlab yubormoqchi! - dermish.

Ayollar haqida latifalar

Latifa.uz loyihasi haqida

Boshqa loyihalar