Eng dodalari rukniga oid latifalar | 10 dona — 505

Bir odamning to‘tisi bor ekan. Uyga kim kelsa, - bir tepay, bir tepay, - deb gapiraverarkan. Uy egasi do‘stlarini mehmonga chaqirmoqchi bo‘lib, to‘ti turgan qafas yuzini mato bilan yopib qo‘yibdi. Bir necha kundan keyin to‘ti esiga tushib qolib, matoni ochsa to‘ti:
— Tepkimni sog‘inib qoldingmi?, - debdi.

Afandi birovning bog‘iga kirib, o‘rik o‘g‘irlayotgan edi,
bog‘bon kelib qoldi. .
— Kimsan!?—dedi bog‘bon.
Afandi o‘rikning tanasiga yopishib olib javob berdi:
— Men o‘rikning yelimiman. Bog‘bon yana so‘radi:
— Yelim ham gapiradimi?
— Kechirasiz,— dedi Afandi,— bilmabman, chip-chip-chip...

Bitta alkash bir shisha aroqni kiyimini ichiga tiqib ketayotgan ekan, yo‘lda yiqilib tushibdi. Asta sekin qo‘lini ichiga tiqsa xo‘l ekan:
— E-e-e, ishqilib qon bo‘lsinda..

Afandi eski devor yonidan o‘tayotgan edi, arilar uni talab qoldi. Afandi qanchalik qochib, arilarni haydasa, ular shunchalik yopishar edilar. Oxiri achchig‘lanib yaxtagini yechdi-da, ari uyaga yaqin borib dedi:
— Chaq-a, padaringga la’nat, armoning qolmasin!

Afandi eshak o‘g‘irlatganini eshitib, uzoq-yaqindan oshna-og‘aynilari kelib ko‘ngil so‘rashdi. Ularga osh-suv qilish uchun Afandining eshak narxidan o‘n hissa ortiqroq puli ketdi. Bu ham yetmaganidek, bir ezma oshnasi kelib Afandiga har turli savollar bera boshladi.
— Afandi, eshagingizni bir kishi o‘g‘irladimi, ko‘pchilikmi, eshakni minib ketdimi, yetaklab ketdimi? Eshak ostonadan o‘ng oyog‘i bilan chiqdimi, chap oyog‘i bilan chiqdimi?
Afandi unga javob berdi:
— Yanagi safar eshak o‘g‘irlatadigan bo‘lsam, sizni aytib kelaman, hammasini o‘z ko‘zingiz bilan ko‘rasiz.

Afandidan birov so‘radi
— Afandi, muchalingiz nima, necha yoshga kirdingiz?
— Muchalim ajdar, ellikka kirdim.
— Muchalning ilon bo‘lishini eshitib yurardimu, ajdar bo‘lishini shu yoshga kirib, endi sizdan eshitishim,
Afandi tushuntirib berdi:
— Yoshligimda onam rahmatlik, sening muchaling ilon degan edilar. Hozir ellikka kirdim, ellik yil ichida har qanday ilon ham ajdar bo‘lib ketadi-da.

Bir yigit jon taslim qilayotgan qaynonasini boshida o‘tiribdi. Quyosh botayotgan paytda qaynona zo‘rg‘a ko‘zini ochib, kun botayotgan tarafga qarab:
— Quyoshni botishini qarang kuyov, qanday go‘zal-a...
— Oyijon u yoqqa qaramang, chalg‘imay o‘z ishingiz bilan shug‘illaning...

Podsho vaziri bilan birga ovdan qattiq tashna bo‘lib qaytdi. Yo‘lda Afandining uyiga duch keldi-da, uni chaqirib:
— Qatig‘ingiz bo‘lsa, muzday ayron qilib bersangiz, juda chanqab kelyapmiz,— dedi.
— Bir tomchi ham qatig‘imiz yo‘q,— dedi Afandi.
Podsho g‘ijinib yo‘lga tushdi. Oradan sal vaqt o‘tgach Afandi mog‘orlab ketgan eski xurmachani ko‘tarib tomga chiqib:
— Qaytinglar, qaytinglar!— deb baqirdi.
Podsho bilan vazir shoshib-pishib qaytishdi. Afandi boyagi xurmachani ko‘rsatib dedi:
— Afsuski, qatiq yo‘q edi. Agar bo‘lganida shu xurmachani olib chiqib berar edim.

Bozor iqtisodiga o‘tish munosabati bilan dekret otpuskasiga chiqadigan ayollar ma’muriyatni kamida o‘n to‘rt oy avval ogohlantirishlari shart.

Xotin eriga etvotganmish:
— Etishlaricha, yangicha operatsiya o‘ylab topishibdi. Nima emish, 2000$ bersa - 35 yoshlik xotinni 20 yoshlikka aylantirib qo‘yarmish.
— Mana senga 5000$!!! Umuman qorangni ko‘rmay!!!

Eng dodalari

Latifa.uz loyihasi haqida

Boshqa loyihalar