Eng dodalari rukniga oid latifalar | 10 dona — 435

Bir kisavur yigit yo‘lda ketayotsa, mototsikl katta tezlikda kelib, urib yuboribdi.
Mototsekilchi qo‘rqib, qochib ketibdi. Yaqin-o‘rtada turgan GAI xodimi yetib kelib, haligi boladan:
— Mototsikl raqamini ko‘rdingmi? - desa, kisavur:
— Ko‘rmadim-u, lekin hujjatlari menda, - dermish.

Mohirbek bilan Mansurbek uyini ta’mirlashayotgan ekan, qo‘shnisi kirib kelibdi. Mohirbek sekingina Mansurbekni qulog‘iga:
— Qarab tur, yana biror asbobni so‘rab chiqqan, - debdi pichirlab.
— Sen yo‘q degin, - dyebdi Mansurbek.
Qo‘shnisi ularga qarab:
— Hormanglar! Bugun sizlarga arrangiz kerak bo‘ladimi?, - desa, Mohirbek:
— Ha, kechgacha faqat arrani ishlatamiz, - debdi qat’iy ohangda.
Qo‘shnisi xursand bo‘lib:
— Juda yaxshi-da! Unday bo‘lsa, bolg‘angizni olib turar ekanman-da bugun, - dermish.

— Hurmatli futbol ishqibozlari, bugungi o‘yin futbolchilarimiz uchun juda muhim. Birgina "Gol" va bizning terma jamoamiz chempionatga yo‘l oladi. Qani yigitlar olg‘a!
Mana hujumchilarimiz raqib jamoasi darvozasini mo‘ljalga olishmoqda va zarbaaaaaa! Gooooooooooooooool urolmadi!

Bir kampir nikoh to‘ylarda nuqul bo‘ydoq yigitlarni yoniga kelib:
— Keyingisi seni navbating! - deb yurarkan.
Uni nabirasi ham buvisini odatini o‘rganib olib:
— Siz keyingisi, endi navbat sizga! - deb yuradigan bo‘lib qolibdi. Faqat bu gapini janozalarda aytar ekan...

Institutda oxirgi dars. Talabalar charchab, o‘qituvchidan iltimos qilishmoqda:
— Javob bera qoling, juda-yam charchadik...
O‘qituvchi:
— Yaxshi. Mana shu qo‘limdagi ruchkaning siyohi tugasa, uyga ketasizlar.
Talabalardan biri:
— Ruchkangizni bering. Men siyohini ichib yuboraqolay!

— Allo, bu hayvonot bog‘imi?
— Ha, nima gap?
— Xonadonimda ilon o‘rmalab yuribdi!
— "Hayvonlarni himoya qilish jamiyati"danmisiz?
— Yo‘q!?
— Ekologik harakat a’zosimisiz?
— Aslo!?
— Unda nimaga belkurak bilan ilonga tushirib qolmadingiz???

Xotin eriga:
— Meni hech qayerga olib bormagansiz...!
Er:
— Mayli, ertaga axlat tashlashga birga olib ketaman.

Diskotekada bir yigit chiroyli qizni yoniga kelib:
— Raqsga tushasizmi? - debdi.
Qiz:
— Yo‘q! - desa, yigit:
— Unaqada yuring, mashinamni itarishib yuboring, - degan ekan.

Yigit do‘stiga:
— Nima u? Uchib o‘tib ketgan?
Do‘sti:
— 2019 yil! Uchib o‘tib ketdi...

Afandi kechqurun yo‘lga chiqibdi. Yo‘lni yoritish uchun telefon fonarini yoqibdi. Borar manziliga qo‘ng‘iroq qilmoqchi bo‘lib, cho‘ntagiga qo‘l solsa, telefon yo‘q ekan. Xotiniga qo‘ng‘iroq qilib:
— Xotin, telefonim uyda qolibdi. Falonchiga qo‘ng‘iroq qilib, meni ketganligimni ayt, - desa, xotini birozdan so‘ng qayta qo‘ng‘iroq qilib:
— Telefonni topolmadim. Uyiga kirib boravering, - debdi. Afandi jahli chiqib, qarasa telefon qo‘lida ekan.

Eng dodalari

Latifa.uz loyihasi haqida

Boshqa loyihalar