Eng dodalari rukniga oid latifalar | 10 dona — 401

Yosh qiz telefonidan sobiq sevgan yigitlarini raqamlarini o‘chirib tashlashni unutgan ekan. Bir payt oshxonadan onasi uni chaqiribdi:
— Qizim, telefoningga javob ber! Senga qandaydir Ablah qo‘ng‘iroq qilyapti.

Bir ayol tiqilinchda hamyonini tushirib qo‘yibdi. Birozdan keyin yoshgina bola ayolni hamyonini qaytarib beribdi. Ayol hamyonini ochib ko‘rib bolaga:
— Meni hamyonimda ikkita besh mingtalik bor edi. Bu yerda o‘nta ming so‘mlik turibdi-ku?! - desa, bolakay:
— Bilasizmi, oldin ham bittasini hamyonini topib bergandim. U menga minnatdorchilik bildirish uchun mayda topa olmagandi. Shunga pullaringizni maydalab qo‘ydim, - dermish.

Bu olamda hech kim seni aeroportda taksichi kutganchalik, intizorlik bilan kutmaydi!

Yarim kechada tashqariga chiqib ketgan er, birozdan so‘ng shalabbo bo‘lib qaytibdi.
— Yomg‘ir yog‘yaptimi? - so‘rabdi xotini.
— Yo‘q. Kuchli shamol bo‘lyapti, - dermish eri.

Uchta badavlat amaldorlar xotinlari yozda qayerda dam olishni yoqtirishi haqida bir-biriga maqtanishmoqda. Birinchisi:
—Meni xotinim har yil yozda Gavaya orollarida dam olishni yoqtiradi, - debdi.
Ikkinchisi:
— Meniki Turkiyada dam olishni yoqtiradi, - debdi.
Uchinchisi:
— Meni xotinim har yil yozda Sochida dam olishni yoqtiradi, - debdi.
Bittasi haydovchisiga qarab:
— Seni xotining qayerga dam olishga yuborasan, - desa,
— Hozircha xotinimni mendan koʻngli sovigani yoʻq, - dermish.

Ikkita shisha yigʻuvchi daydi axlatxonada shisha yigʻib yurib, olov chiqqanini sezib qolishibdi. Birinchisi:
— Qara, axlatxona yonayapti, - desa, ikkinchisi:
— Hayriyat-yey, bugun issiq ovqat yer ekanmiz, - dermish.

Hayvonlar pivoga uzundan-uzun navbatda turishibdi. Hammadan oldin quyon o‘tib, pivo olmoqchi bo‘lgan ekan, bo‘rini jahli chiqib, quyonni to‘xtatibdi:
— Qayoqqa, hoy quyon?! Navbatni ko‘rmayapsanmi?
Quyon:
— Yur, bir chetga o‘taylik, gapim bor!
Bir daqiqadan keyin yana quyon navbatsiz pivoga o‘ta boshlabdi. Ayiq quyonni qulog‘dan ko‘tarib:
— Hoy shalpangquloq, qayoqqa?! - debdi.
— Bir daqiqaga bu yoqqa qaragin, - deb, ayiqni ham bir chetga olib ketibdi.
Qaytib kelib, doimgidek navbatsiz pivoga qo‘l uzatgan ekan, arslon o‘kiribdi:
— Jonga tegding-ku! Navbatga tur!
Quyon arslonni ham yetaklab, o‘rmon ortiga olib o‘tsa, u yerda odamxo‘r dev turgan emish.
— Yana go‘sht olib keldingmi?! Qachon pivo olib kelasan??? - dermish dev arslonni ko‘rib.

Ikki dugona suhbatlashmoqda:
— Nega ertalabdan kayfiyating yo‘q?
— Yomon tush ko‘rdim.
— Qani aytib ber-chi!?
— Tushimda Bred Pitt va Leonardo Di Kaprio uyimga kelib, men uchun erim bilan yoqalashishibdi.
— Axir bu yomon tush emas, ko‘pchilik qizlarning orzusi-ku!
— Ha, lekin erim ulardan ustun keldi-da...

Ikki dugona do‘konga kiribdi. Birinchi qiz Yogurt sotib olibdi-da, shu zahoti ustidagi qopqog‘ini ocha boshlabdi. Buni ko‘rgan ikkinchisi:
— Esing joyidami? Loaqal kassani yonigacha bormaysanmi?! - desa, haligi qiz:
— Ahmoqmisan? Mana, qopqog‘ini ustiga "Shu yerdan oching" deb yozib qo‘yibdi-ku!?, - dermish.

Duduq odam militsiyaga qo‘ng‘iroq qilibdi:
— M-m-militsiyami?
— Ha!
— B-b-bu yerda m-m-murda yotibdi.
— Manzilni ayting!
— Q-q-q...
Telefon suhbati uzilib qolibdi. Bir soniyadan so‘ng yana telefon jiringlab:
— Allo, tezroq manzilni ayting!
— Q-q-q...
Yana telefon uziladi... Takror jiringlaydi.
— Allo?!
— Q-q-q...
— Bo‘ldi, Murda Qora-qamishda ekan. O‘zimiz topib oldik!!!

Eng dodalari

Latifa.uz loyihasi haqida

Boshqa loyihalar