Eng dodalari rukniga oid latifalar | 10 dona — 347

— Do‘stim, uylanayotgan emishsan, tabriklayman! Kelin qalay? Yoqdimi?
— Bilasanmi, hammani fikri har xil... Onamga, xolamga, ammalarimga yoqdi, menga esa yo‘q!

Miriqib futbol ko‘rib o‘tirgan otasini yoniga qizi kelib:
— Ada, bir daqiqa vaqt ajrata olasizmi?
— Gapir qizim!
— Tibbiyot akademiyasining qaysi fakultetiga hujjat topshirishni bilmayapman?! Stomatologiyami yoki kardiologiyami?
— Odamda nechta tish bor?
— O‘ttiz ikkita!
— Yurak-chi?
— Bitta!
— Hisob 32:1! Stomatologiya g‘olib!!!

— Adajon, nimaga shokoladlarni zar qog‘ozga o‘rashadi?
— Boshqa xonada tursak ham, seni shokolad o‘g‘irlayotganingni eshitish uchun!

Bir ayol hamkasbi bo‘lgan erkakka yoqish uchun:
— Egnimdagi ko‘ylak sizga yoqdimi? - deb so‘rayveribdi, so‘rayveribdi...
Beshinchi marotaba so‘ragach, haligi erkak chiqday olmay:
— Keling, shu "masalani" yechib qo‘ya qolaylik! - degan ekan.

Ikkita bojxonachi hamkasbini tug‘ilgan kuniga nima sovg‘a olishni maslahatlashmoqda:
— Balki unga mashina sovg‘a qilarmiz?!
— O‘tgan yili sovg‘a qildik-ku...
— Balki yaxta sovg‘a qilarmiz?!
— Ikkita yaxtasi bor-ku, nima qiladi uchinchisini...!
— Balki bir kunga navbatchilikda bir o‘zini qoldirarmiz?
— Ha yo‘q...! Bu juda katta sovg‘a bo‘ladi!!!

Mast-alast odam oyoqda zo‘rg‘a yurib ketyapti. Bir qadam oldinga, uch qadam orqaga qadam tashlarmish...
Orqasidan kuzatib ketayotgan qari onaxonni rahmi kelib:
— Bolajonim, orqa bilan yuraqolgin! Tezroq uyingga yetib olasan!!! - dermish.

Bir kuni o‘rmonda sherni tug‘ilgan kuni bo‘libdi. Sher:
— Kim aroqqa borib keladi? - desa, hech kimdan sado chiqmabdi.
Shunda qirq oyoq:
— Men borib kelaqolay, - deb chiqib ketibdi.
Bir soat o‘tsa ham, qirq oyoqdan darak yo‘q emish. Hayvonlar endi g‘iybat qilib turishsa, eshikni qirq oyoq sekin ochib:
— Hammasini eshitib turibman. Endi o‘ttiz to‘qqizinchi oyog‘imga krasovkamni kiyib bo‘ldim, - dermish.

Donishmandlarni aytishiga qaraganda ayollarni makri qirqta eshakga yuk bo‘lib qolgani xurjin bo‘lar ekan.

Eshik taqillabdi:
— Kechirasiz, sizga yangi chiqqan oq va qora ranglardagi ko‘ylaklarimizni taklif qilmoqchiman. Sotib oling, zarar qilmaysiz.
— Yo‘q, rahmat, shart emas.
— Mana bu oq ko‘ylakni qarang, kiyib mazza qilasiz.
— Kerak emas dedim sizga!
— Ammo bir o‘ylab ko‘ring.
— Agar yana bir marta shu haqda gapirsangiz, zinadan uloqtirib yuboraman.
— Bu ko‘ylakni kiymabsiz, bu dunyoga kelmabsiz...
Uy egasi ko‘ylakfurushni zinadan uloqtirib yubordi. U beton ustiga uchib tushib, ancha vaqt harakatsiz yotdi. Keyin bir amallab o‘rnidan turdi va yuzlarini artib, yana zinadan ko‘tarilib eshikni taqillatdi.
— Oq ko‘ylak bo‘yicha fikringiz tushunarli. Endi qora ko‘ylak to‘g‘risida gaplashsak...

Ikki arvoh qabristonda gaplashib o‘tirishibdi:
Birinchi arvoh:
— Sen nimadan o‘lgansan?
Ikkinchisi:
— Bir kuni uyga kelsam, ostonada begona oyoq kiyim turibdi. Xotinimni jazmani bilan ushladim, deb o‘ylab uyga yugurib kirsam, hech kim yo‘q! Xonalarni tekshirib chiqdim, yo‘q. Xotinim menga yangi tufli sotib olibdi, deb xursandchilikdan yuragim yorilib o‘lib qoldim.
Birinchi arvoh:
— Agar o‘shanda shkafni ichini ochib qaraganingda, hozir ikkalamiz ham tirik bo‘lardik...

Eng dodalari

Latifa.uz loyihasi haqida

Boshqa loyihalar