Yoshlar rukniga oid latifalar | 10 dona — 11

Qizlar yotoqxonasiga kelgan yigitdan qorovul so‘rabdi:
— Siz kimni oldiga?
Yigit javob beribdi:
— Kimni tavsiya qilgan bo‘lardingiz???

— Allo, o‘rtoq men uylanyapman!
— Kimga?
— Shuncha yildan beri kimni tanisam, o‘shanga-da...
— Tentak. Menga uylana olmaysan-ku axir!

Ikkita hamkasblar kechki payt ishdan chiqishibdi. Birinchisi debdi:
— Bitta iltimosim bor, hozir boshlig‘imiz ishdan chiqadi. Sen uni haydovchisisan-ku! Mashina buzilgan deb biroz shu yerda uni ushlab turgin. Bugun boshlig‘imizni qizi bilan uchrashmoqchi edim, - debdi.
Haydovchi istar-istamas zo‘rg‘a rozi bo‘libdi.
Boshliq ishdan chiqib:
— Qani ketdik-mi?! - desa, haydovchi:
— Mashina negadir o‘t olmayapti!? - deb bahona qilib, ancha vaqtgacha ushlab turibdi. Buni sezgan rahbar:
— Nega meni aldayapsan? To‘g‘risini ayt! Aks holda ishdan bo‘shataman! - deb baqira ketibdi.
Boshqa chorasi qolmagan haydovchi bor gapni aytib beribdi. Shu yerda ishlaydigan do‘sti uning qizi bilan uchrashmoqchi ekanini, shunga u mashina buzildi deb, bahona qilganini aytsa, boshliq xoxolab kulib:
— Laqma ekansan-ku! Meni umuman qizim yo‘q. Undan ko‘ra uyingga borib o‘zingni qizingdan xabar ol!!! - degan ekan.

— Mening o‘g‘lim sizning qizingizni qo‘lini so‘ramoqchi!
— Nima, o‘g‘lingizni o‘zini qo‘li yo‘qmi?

— Salom yaxshi qiz! Ismingiz nima? Tanishsak bo‘ladimi?
— Yo‘q!
— Aytaqoling...
— Yosh bolamisiz!? Yo‘q dedim-ku!
— Men sizni bir ko‘rishda sevib qoldim. Siz bilan baxtli hayot qurmoqchiman!
— Mayli, ismim – Zarina.
— Yosh bolamisiz?! Aldasam ham ishonaverasiz...

Zamonimiz yoshlari hozirda Romeo va Juletta, Toxir va Zuxra bo‘lamiz deb ota-ona bo‘lib qolishyapti.

Ikki dugona turmush qurmaslikka qaror qilib birga yashasharkan. Zerikmaslik uchun bir mushuk ham boqisharkan. Fikrimiz buzilmasin deb mushukni hech qayerga chiqarishmas ekan. Mushuk har bahor ko‘chaga chiqgisi kelib, bezovta bo‘laverarkan.
Dugonalardan biri yaxshi yigit bilan tanishib turmushga chiqib, asal oyiga ketibdi.
Bir necha kundan keyin undan xat kelibdi: "Dugonajon, taqdiring o‘z qo‘lingda, ammo mushukni hoziroq qo‘yib yubor!".

Telegramdagi suhbatda:
— Siz juda-yam go‘zal qiz bo‘lsangiz kerak?!, - so‘rabdi yigit.
Qiz:
— Nega unaqa deb o‘ylayapsiz?, - debdi qiz nozlanib.
Yigit:
— Tabiat bunday ahmoqlik bilan faqat go‘zallikni uyg‘unlashtira oladi-da...

Bir yigit mafiya boshlig‘ini qizini sevib qolibdi. Bundan xabar topgan otasi xizmatkorlariga yigitni ushlab kelishlarini buyuribdi.
— Meni qizimni tinch qo‘yasanmi?
Yigit:
— Men uni sevaman!
Otasi:
— Darhol bunga qizlarni kiyimini kiydirib, lab-yuzlariga ayollar bo‘yoqlarini surtib, mahallasiga tashlab ketinglar!
Barzangi xizmatkorlar mashinada olib ketayotishsa, bola yalina boshlabdi:
— Yigitlar, iltimos, meni qo‘yib yuboringlar. Unday ish qilib, sharmanda qilmanglar, axir men o‘g‘il bolaman-ku! Keyin mahallada qanday qilib bosh ko‘tarib yuraman?!
Mashina biroz yurgach, bir barzangini telefoni jiringlabdi:
— Labbay xo‘jayin!
— Qizimni yana bitta oshig‘i bor ekan. Yo‘l-yo‘lakay uni ham qo‘shib olinglar! Uni yaxshilab do‘pposlab, tanib bo‘lmas qilib, kimsasiz joylarga tashlab ketinglar! - debdi qizning otasi. Buni eshitgan oshiq yigit xushyor tortib:
— Iltimos akalar, menga qizlarni kiyimini kiydirib, lab-yuzlarimga ayollar bo‘yoqlarini surtib, mahallamga tashlab ketasizlar! Tag‘in anavi ikkinchi bola bilan adashtirib yubormanglar, - dermish.

— Taq-taq!
— Kim bu?
— Bu men sevgiman! Kirsam bo‘ladimi?
— Yo‘qol palakat...!

Yoshlar haqida latifalar

Latifa.uz loyihasi haqida

Boshqa loyihalar