Ustoz-shogird rukniga oid latifalar | 10 dona — 10

Maktab o‘quvchisi ona tili ustozidan so‘rabdi:
— Ustoz, o‘zbek tiliga rus tilini aralashtirib gapirish mumkinmi?
Ustoz debdi:
— Konechno mumkin emas!

Shogird ustozi piri komildan so‘radi:
— Bu tojvirus sizga tegmadimi, Ustoz?
Piri komil ustoz dedi:
— O‘zimga-ku tegmadi, lekin jonimga toza tegdi.

Besh daqiqalik tarbiyaviy soat(!)dan keyin hech narsa bo‘lmaganday so‘rayapti:
— Ustoz, siz ham so‘kinar ekansiz-a?!
— Yo‘q, baraka topkur, men ona tilimizning boy imkoniyatlarini ko‘rsatdim senga...

— Xamedov, darsingni tayyorladingmi?
— Yo‘q ustoz.
— Nimaga tayyorlamading?
— Kecha akam 15 yil deganda qamoqdan chiqdilar.
— Meni qo‘rqitma! O‘tir, 5!

Shogird ustozidan so‘radi:
— Ustoz, nega men 2 yildan beri o‘qishga kira olmayapman? Buning sinoati nedir?
Ustoz chuqur o‘yga toldi va vazminlik bilan javob so‘radi:
— Sen quyoshning tog‘lar ortidan sekin-astalik bilan chiqishini, maysalar ustidagi qirovni qitiqlab eritib, tiniq shabnam tomchilariga aylantirishini kuzatasanmi?
— Albatta, ustoz.
— Tog‘dan sharqirab, olamga shovqin solib tushayotgan sharsharaning, daryoda sokin mavjlanayotgan suvning so‘zlariga quloq solasanmi?
— Shubhasiz, ustoz.
— Kumush qadahga to‘ldirib quyilgan mayning yuzida o‘z aksingni ko‘rganda chuqur o‘yga tolasanmi? Hayotning ma’nosi haqida fikr yuritasanmi?
— Juda ham ko‘p marta, ustoz.
— Oydek suluv go‘zalning ko‘ksiga boshingni qo‘yib, uning har bir yurak urishida namoyon bo‘lgan muhabbatni vujudingda xis qilasanmi?
— Deyarli har kuni, ustoz.
— Haa, ahmoq, kaltafahm! Vaqtingni bunaqa bekorchi narsalarga sarflamasdan ketingni bir joyga qo‘yib, qunt bilan o‘qiganingda allaqachon talaba bo‘lib yurgan bo‘larding! degan ekan.

— Nega baliqlar gapira olmaydi Sardor?
— Siz suv tagida gapira olarmidingiz ustoz?

Professor talabaga:
— XV asrda yashagan buyuk olimlar to‘g‘risida biror ma’lumot ayta olasizmi?
Talaba:
— Albatta! Ularni barchasi allaqachon vafot etishgan.

Shogird ustozidan so‘radi:
—Ustoz, o‘zimdagi kamchiliklarni qanday bilib olsam bo‘ladi?
Ustoz javob berdi:
—Xotiningni birorta kamchiligini uni o‘ziga aytsang, nafaqat seni kamchiliklaring, balki butun urug‘-aymog‘ingni kamchiliklarini bilib olasan.

Meni ukam pul topishni yo‘lini kattalardan yaxshiroq biladi.
Maktabda olgan har bir "5" bahosiga adam 10 ming so‘mdan beradilar.
O‘sha 10 ming so‘mdan 5 mingini ustoziga bersa, ustozi yana "5" baho qo‘yib beradi.
Qarabsizki, ukamga o‘z-o‘zidan pul kelib turaveradi-da!

Shogirdning shiori:
7 martta so‘rab, 1 martta unut!

Ustoz-shogird haqida latifalar

Latifa.uz loyihasi haqida

Boshqa loyihalar