Uddaburonlar rukniga oid latifalar | 10 dona — 22

Afandining qo‘shnisi to‘y qildi, to‘yga odamlarni xat orqali chaqirtirmoqchi bo‘lib, taklifnomalarni tarqatib berishni Afandidan iltimos qildi. Afandi qo‘shnisining iltimosini qaytara olmadi, shaharda takabburligi bilan tanilgan bir boynikiga ham qog‘oz olib bordi.
Boy Afandidan taklif qog‘ozi yuborilganiga g‘ashi kelib, so‘radi:
— Taklifnoma olib kelish uchun sendan ko‘ra durustroq odam topilmadimi?
— Durustroq odamlar ham bor edi-yu,— dedi Afandi,— ammo ular durustroq odamlarnikiga xat olib ketdilar.

Afandi bir kuni qo‘shnisidan qozon so‘rab chiqibdi. Oradan bir hafta o‘tgach, qozonni ikkita qilib olib chiqibdi. Qo‘shnisi hayron bo‘lib:
— Nega ikkita qozon olib chiqdingiz?, - debdi.
Afandi esa javob beribdi:
— Qozoningiz homilador ekan, tug‘di.
— Qozon kerak bo‘lsa tez-tez so‘rab turing, - debdi qozonning egasi.
Oradan bir necha kun o‘tib, afandi o‘sha qo‘shnisidan katta doshqozon so‘rab chiqibdi. Qo‘shnisi darrov berdi. Oradan bir hafta o‘tibdi, o‘n kun o‘tibdi, bir oy o‘tibdi. Afandi esa hanuz qozonni qaytarmasmush. Qo‘shnisi o‘zi qozonni so‘rab chiqibdi. Afandi qo‘shnisiga homush qarab:
— Qozoning betob ekan. Qazo qildi, - debdi.
— Qanaqasiga qozon betob bo‘lsin?, - deb baqiribdi qo‘shni, - hech jahonda qozon ham o‘ladimi?
— Qozoning tuqqaniga ishonasanu, o‘lganiga ishonmaysanmi?, - dyebdi afandi.

Kema kapitani matrosga debdi:
— Kapitan bo‘lishni istaysanmi?
— Ha, albatta!
— Shu daqiqadan boshlab shu kemani kapitanisan. Kema cho‘kyapti. Qoidaga ko‘ra sen kemani oxirgi bo‘lib tark etishing kerak.

— Aytginchi do‘stim, pullarimni qayerda saqlasam bo‘ladi? Bankdami yoki uydami?
— Eh og‘ayni, meni cho‘ntaklarim xizmatingga tayyor!!!

— Ertaga Maftunani tug‘ilgan kuni. Sovg‘aga nima?
— ... ?
— Balki iPad sovg‘a qilarsizlar?
— Bas qil Maftuna, o‘zimiz bilamiz!

Sudya:
— Siz butunlay boshqa odamga aylanishingiz kerak! Urinib ko‘ring!
— Yo‘q o‘rtoq sudya, mumkin emas.
— Nega axir?
— Yaqinda hujjatlarimni qalbakilashtirganim uchun o‘tirib chiqdim...

Bir GAI xodimi menga qoidani buzganim rasmini jo‘natibdi. Men ham unga "jarima" to‘laganim haqdagi videoni jo‘natdim. GAI shokda.

Sud jarayoni ketmoqda. Sudya ayblanuvchiga savol beribdi:
— Ayblanuvchi, ismingiz nima?
— Ismim Begunoh! Shaxsimni tasdiqlovchi hujjatlarning barchasida shunday!
— Begunohmisiz???
— Ha janob! Adolatli hukmingiz uchun rahmat! Men ketdim!

Institutda kirish imtihoni. Imtihon olayotgan professor savol beribdi:
— Qani menga tushuntringchi, elektr motor nega aylanadi?
— Elektr quvvati ta’sir etayotgani uchun!
— Shu ham javobmi?! Nega unda dazmol aylanmaydi?
— Chunki u aylana emas.
— Yaxshi.. Nega unda elektr plitka aylanmaydi? U yumaloq-ku?!
— Chunki u g‘adir-budir. Oyoqchalari ishqalanadi.
— Tushunarli... Hm-m... Lampochka-chi?! Elektr lampochkasi! Yumaloq, silliq, oyoqchalari yo‘q! Nega lampochka aylanmaydi?
— Lampochka aylanadi-ku?!
— Qanaqasiga?!!
— U kuyib qolganda yangisini qo‘yganingizda aylantirib qo‘yyasizmi?
— To‘g‘ri... Haqiqatdan ham... Aylantiraman... Ha! Lekin uni men aylantiraman-ku, o‘zi aylanmaydi-ku?!
— Bilasizmi, bu dunyoda o‘z-o‘zidan hech narsa aylanmaydi! Ana, elektr motor ham aylanishi uchun elektr quvvati ta’sir etishi kerak!

Afandi muxbirligida maqola ketidan maqola yoza berar edi. Bir o‘rtog‘i unga bunday dedi:
— Shu yozayotgan maqolalaring qatori onanga ham bitta xat yozsang bo‘lmaydimi?
— Gonorarini kim beradi? - so‘radi Afandi.

Uddaburonlar haqida latifalar

Latifa.uz loyihasi haqida

Boshqa loyihalar