Shoh-Boy rukniga oid latifalar | 10 dona — 4

Bir kuni podshoh vazirlarni yig‘ib debdi:
— Saltanatimda soliqlar kun sayin oshib borsa ham, xazinada pullar ko‘paymayapti!? Buning boisi nedir?
Yig‘ilganlar orasida dono bir vazir katta muz bo‘lagini olibdi-da, “Shohimga uzatib yuboringlar!” debdi.
Haligi muz bo‘lagi qo‘lma-qo‘l bo‘lib podshohga yetib kelguncha kichkina tomchiga aylanib qolibdi.
Shunda podshoh vazirning aqliga tahsinlar aytib, barcha qo‘l ostida ishlayotgan amaldorlarni va xazinaga keladigan pullarni qattiq nazoratga olgan ekan.

Poshsho saroyidagi hamma a’yonlar Afandini yomon ko‘rardilar. Ular poshshoga Afandining ustidan g‘iybat qilishar, uning haqida turli-tuman uydirmalar tarqatishar edi. Biroq Afandi bilan uchrashganlarida hamisha o‘zlari sharmanda bo‘lishardi.
Bir kuni ular to‘planishib poshshoning oldiga kirishdilar-da, Afandining og‘zi sassiqligiga uni ishontirmoqchi bo‘lishdi. Ig‘vo ustiga tasodifan Afandi kelib qoldi. A’yonlarning rangi-quti o‘chib, damlari ichiga tushib ketdi.
Poshsho haqiqatni bilmoqchi bo‘lib Afandidan so‘radi;
— Qani, yaqinroq o‘tirchi, a’yonlar senga qattiq kasallik yo‘liqqan deydilar, rostmi?
— Shohim, ularning hammasi mening qadrdon do‘stlarim, ular yolg‘on gapirishmaydi, eshitaychi, ular nimalar deyishdiykin?
— Bularning aytishlaricha, sening og‘zing yomon sasib ketgan emish.
— Ularning gaplari juda to‘g‘ri, shohim,— dedi Afandi,— hozirgacha men ularning xiyonati, ahmoqona qiliqlarini birovga aytmay ichimga yuta berganimdan, o‘sha illatlar ichimda sasib, og‘zimdan chiqmoqda.

Milliarder Roman Abramovich jangari va detektiv filmlarni tomosha qilishni yoqtirmaydi. Chunki u arzimagan 10 million dollar uchun bir-birini o‘ldirishga tayyor bo‘lgan odamlarni umuman tushunmaydi.

Shoh uyida katta bazm beribdi. Bazm avjiga chiqqanda shoh Afandini yoniga chaqirib debdi:
— Hozir hammani oldida menga qarab “Siz juda-yam aqlli podshohsiz” deysan.
Afandi:
— Axir siz juda-yam aqilli podshohsiz-ku, - degan ekan, podshoh bu fikridan qaytib, Afandini donoligiga tasanno aytibdi.

Ba’zi davlatlarda yashash qiyin emas, boylarni to‘ydirish qiyin bo‘lib qoldi...

Boy xizmatkori bilan sayohatga chiqishibdi.\nKech kirib, bir joyda to‘xtashibdi-da, tunash uchun chodir tikishibdi. So‘ng shu chodirga kirib uxlab qolishibdi. Tongga yaqin xizmatkor o‘yg‘onib, yotgan joyida xo‘jayniga shunday debdi:
— Anavi osmonda ko‘rinib turgan yulduzlar nimani anglatadi?
Boy:
— Shuni ham bilmaysanmi nodon!? Kun issiq, havo ochiq bo‘lishini anglatadi, - desa, xizmatkor:
— Balki chodirimizni o‘g‘rilab ketganini bildirar...?! – degan ekan.

XXI asrda vafot etadigan boylarning vasiyatnomalarida juda ko‘p parol va loginlar bo‘lishi aniq!

Ikkita boyning suhbati:
— Hozirgi zamonda halol bo‘lib yashash qiyin...!
— Senga bu gapni nima aloqasi bor?!

Mashoyixlarning gapi bor: Ravon yo‘l, albatta biron bir boyning uyiga olib boradi.

Ikkita mardikor boyni uyini kraska qilishayotsa, boyni qo‘shnisi chiqib:
— Kraskani menga sotinglar - debdi. Mardikorlar boyni otini labiga kraskadan surtishibdi-da, kraskani sotib yuborishibdi. Boy kelsa ish to‘xtagan. Mardikorlar dam olib o‘tirishibdi. Boy hayron bo‘lib:
— Nimaga ishlamasdan o‘tiribsizlar? - deb so‘rasa, mardikorlar otni ko‘rsatib:
— Kraskani otingiz ichib qo‘ydi - deyishibdi. Boy otiga qarasa, labi kraska. Shartta cho‘ntagidan to‘pponchasini chiqarib, otini otmoqchi bo‘libdi.
Mardikorlar boyni to‘xtatib:
— To‘xtang, axir ot kraskadan qimmat-ku! - deyishsa, boy:
— Senlar aralashma! O‘tgan yili bu la’nati ikki tonna sementni ham yeb qo‘ygan edi, - dermish.

Shoh-Boy haqida latifalar

Latifa.uz loyihasi haqida

Boshqa loyihalar