Sevishganlar rukniga oid latifalar | 10 dona — 7

Yigit bilan qiz telefonda SMS orqali gaplashmoqda:
Yigit:
— Salom, baxshimisiz?
Qiz:
— Baxshimisiz???
Yigit:
— E, uzr! “Yaxshimisiz” demoqchi edim. Mana bu “Ayfon”ning klaviaturasidagi axmoq avtokorrektor shunday deb o‘zgartirib yuboribdi...
Qiz:
— Ha... Nima bo‘ldi ekan debman!? O‘chirib qo‘ya qoling o‘sha avtokorrektorni.
Yigit:
— Mna, u4rib k6edem avt6krrektrri. Mnm4a wunaka gaplawse yaxщide, a nma ddiz?
Qiz:
— Yo‘q, yaxshisi avtokorrektorni yoqib qo‘ya qoling!

— Yur Dildora, kinoga boramiz.
— Ketdik!
— Yigiting rashq qilmaydimi?
— Yo‘q, uni erim urib, o‘ldirib qo‘ygan.

Yigit qizga debdi:
— Senga bir taklifim bor.
O‘zida yo‘q xursand bo‘lib ketgan qiz shosha-pisha yigitga termulib:
— Ayting, ko‘p kuttirmang! - desa, yigit:
— Meni tinch qo‘ygin-a!!! - degan ekan.

Qiz yigitdan so‘radi:
— Azizim, meni sevasizmi?
Yigit:
— Ha! O‘zing-chi?
— Men ham o‘zimni juda sevaman...

— Allo, o‘rtoq men uylanyapman!
— Kimga?
— Shuncha yildan beri kimni tanisam, o‘shanga-da...
— Tentak. Menga uylana olmaysan-ku axir!

Bir yigit restoranga kirib ofitsiantga 10 ming beribdi.
Ofitsiant:
— Stol band qilib qo‘yaymi?
Yigit
— Yo‘q, hozir qizcham bilan kelaman, bizda hamma joy band desangiz bas.

Bir boyvachcha rusning qizi dadasiga:
— Dada, men erga tegayapman!
— Kimga?
— Popga.
— Nima aqldan ozdingmi? Popni nima qilasan?
— Dada bu sevgi, yuragimga buyruq berolmayman axir
— Kechki ovqatga olib kel uni, men bir gaplashib ko‘raychi.
Kechki ovqatda suhbat boshlanibdi.
— Xo‘sh kuyov bola, mani qizimni bitta kiyimi 10000$ turadi, har haftada almashtiradi. Qanday olib berasan?
— Xudoyim o‘zi yordam beradi.
— Har haftada bir marta Parijda sochini turmaklatadi, bunichi?
— Xudoyim o‘zi yordam beradi
— Qizim faqat Ferrari minadi, har yarim yilda yangi modelidan oladi, buni nima qilasan?
— Xudoyim o‘zi yordam beradi.
Ovqatdan keyin pop ketibdi. Qizi dadasidan so‘rabdi:
— Xo‘sh dada kuyov sizga yoqdimi? Qanday ekan?
— O‘ziku toza laqma ekan, lekin meni xudo deb bilayotgani menga yoqdi.

Bir yigit mafiya boshlig‘ini qizini sevib qolibdi. Bundan xabar topgan otasi xizmatkorlariga yigitni ushlab kelishlarini buyuribdi.
— Meni qizimni tinch qo‘yasanmi?
Yigit:
— Men uni sevaman!
Otasi:
— Darhol bunga qizlarni kiyimini kiydirib, lab-yuzlariga ayollar bo‘yoqlarini surtib, mahallasiga tashlab ketinglar!
Barzangi xizmatkorlar mashinada olib ketayotishsa, bola yalina boshlabdi:
— Yigitlar, iltimos, meni qo‘yib yuboringlar. Unday ish qilib, sharmanda qilmanglar, axir men o‘g‘il bolaman-ku! Keyin mahallada qanday qilib bosh ko‘tarib yuraman?!
Mashina biroz yurgach, bir barzangini telefoni jiringlabdi:
— Labbay xo‘jayin!
— Qizimni yana bitta oshig‘i bor ekan. Yo‘l-yo‘lakay uni ham qo‘shib olinglar! Uni yaxshilab do‘pposlab, tanib bo‘lmas qilib, kimsasiz joylarga tashlab ketinglar! - debdi qizning otasi. Buni eshitgan oshiq yigit xushyor tortib:
— Iltimos akalar, menga qizlarni kiyimini kiydirib, lab-yuzlarimga ayollar bo‘yoqlarini surtib, mahallamga tashlab ketasizlar! Tag‘in anavi ikkinchi bola bilan adashtirib yubormanglar, - dermish.

— Taq-taq!
— Kim bu?
— Bu men sevgiman! Kirsam bo‘ladimi?
— Yo‘qol palakat...!

Radiodagi tabrikdan:
“Sevgilim Shahnozani tug‘ilgan kuni bilan tabriklayman! Shahnoza senga “Ummon” guruhining “Alvido” qo‘shig‘ini sovg‘a qilaman”.

Sevishganlar haqida latifalar

Latifa.uz loyihasi haqida

Boshqa loyihalar