Pul-boylik rukniga oid latifalar | 10 dona — 21

Bir xasis savdogar Afandidan so‘radi:
— Siz ham pulni yaxshi ko‘rasizmi?
— Xasislarga yuzimni sarg‘aytirmaslik uchun yaxshi ko‘rsam, ajab emas...

Soqov kishi bozorda gazli suv sotar ekan. Bir odam gaz suv ichib bo‘lib:
— Necha pul? - deb so‘rasa, soqov sotuvchi imo-ishora qilibdi.
— Suv necha pul? - deb yana so‘rabdi.
Sotuvchi yana imo-ishora qilgan ekan haligi odam to‘lmasdan ketayotsa, suv sotuvchi baqirib:
— Aka suvni pulini berib ketmaysizmi?! - der emish.

Qassob qorong‘u ko‘chada ishdan qaytardi. Qayerdandir bezori paydo bo‘ldi-da, yo‘lini to‘sdi.
— Pul bormi?
Qassob sekin sumkadan bolta chiqarib so‘radi:
— Pulni nima qilasan?
Bezori bosh egib dedi:
— Maydalatmoqchi edim-da aka.

Yaxshi er tongda uyqudan bitta hayol bilan uyg‘onishi kerak:
"Xotinimni kiyishga ko‘ylagi yo‘q, mani uxlab yotishimni qarang. Tezroq va ko‘proq pul topib, uni xursand qilishim kerak. Odamlar aytmasin xotini yana o‘sha avval kiygan ko‘ylagini kiyibdi deb. Sharmanda bo‘lamiz-a, sharmanda!"

Bir qiz dugonasidan so‘rabdi:
— O‘rto, maslahat ber. Boshim qotib qoldi. Uch yigitning qaysi birini tanlay? Biri yaxshi pul topadi, ikkinchisi juda aqlli, uchinchisi zo‘r raqsga tusharkan.
— Birinchisi raqsga tushishni o‘rganolmasmikan?

Bir ayol tiqilinchda hamyonini tushirib qo‘yibdi. Birozdan keyin yoshgina bola ayolni hamyonini qaytarib beribdi. Ayol hamyonini ochib ko‘rib bolaga:
— Meni hamyonimda ikkita besh mingtalik bor edi. Bu yerda o‘nta ming so‘mlik turibdi-ku?! - desa, bolakay:
— Bilasizmi, oldin ham bittasini hamyonini topib bergandim. U menga minnatdorchilik bildirish uchun mayda topa olmagandi. Shunga pullaringizni maydalab qo‘ydim, - dermish.

Bir kishi katta ko‘lning qirg‘og‘ida o‘tirsa, turistlar kelib so‘rashibdi:
— Nega bu yerda o‘tiribsiz?
— Men ko‘lning narigi qirg‘og‘iga suzib o‘ta olaman, - debdi boyagi kishi.
— Qancha vaqtda o‘rgandingiz buni, - deyishibdi turistlardan biri.
— Besh yil umrim ketdi, - debdi.
Shunda turistlar ko‘lning narigi qirg‘og‘iga o‘tkazib qo‘yadigan qayiqqa o‘tirib, qayiqchini qo‘liga ikki ming pul berib, haligi kishiga deyishibdi:
— Besh yil umringiz ikki ming so‘m turar ekan-da!?

Magazinda. Sotuvchi xaridor yigitga:
— Qaytimizga "Mikki Maus"ni rasmi bor saqich beraveraymi?" - desa
Xaridor:
— Nima, men sizga yosh bolamanmi, "Mersedes"ni rasmi bor saqich bering" - dermish

Bir bolakay tug‘ilgan kuniga masharaboz kelishini juda xohlarkan. Buvisi bu yili albatta masharaboz chaqirishga va’da beribdi. Tug‘ilgan kuni ham yetib kelibdi. Lekin masharaboz yo‘q emish. Buvisi nima qilishini bilmasdan tursa, eshik qo‘ng‘irog‘i chalinibdi. Ochib qarasa, ikkita daydi tentaklar turganmish.
— Uyingizda bizbop ish yo‘q-mi? Biroz pul ishlab olmoqchi edik, - deyishibdi. Ayol ularga bog‘dagi ishlarni qilishni buyuribdi.
Nabirasi esa masharabozni hanuzgacha kutib o‘tirarkan. Ayol bir payt qarasa, boyagi daydilarning biri goh daraxtga chiqib sakrar, goh u yoqdan, bu yoqqa yugurar, ba’zan har xil kulgili harakatlar qilarkan. Ayol masharaboz topilganidan xursand bo‘lib ketibdi. Sakrab yurgan kishini yonidagi sherigini sekin chaqirib:
— Kechirasiz. Anavi do‘stingiz bir soatga masharaboz bo‘lib turmaydimi? Yaxshi haq to‘layman!, - debdi.
Haligi odam do‘stiga qarab:
— Hoy, mo‘maygina pulga ikkinchi barmog‘ingni ham bahridan o‘tasanmi?, - dermish.

Bir odam qo‘shni davlatga ishlagani borib kelibdi-yu, qaytib kelgach odamlarga maqtana boshlabdi:
— Turkiya, Arabistonning hamma shaharlariga bordim. Juda miriqib dam oldim.
Qo‘shnilaridan biri debdi:
— Unda siz jug‘rofiyani yaxshi bilsangiz kerak?!
— Yo‘q! Men hali Jug‘rofiyaga bormadim. Lekin, yaqinda u yerga ham borishni rejalashtirganman, - dermish haligi odam.

Pul-boylik haqida latifalar

Latifa.uz loyihasi haqida

Boshqa loyihalar