Oʻqish-maktab rukniga oid latifalar | 10 dona — 5

Boy ota o‘g‘lini institutdagi imtihonlarni topshirib olishi uchun o‘qituvchilar bilan "kelishib" qo‘yibdi.
— O‘g‘limni bilimi sal pastroq. Sizdan iltimos, osonroq savol bersangiz...
O‘qituvchi rozi bo‘libdi. Imtihon boshlanibdi. Navbat boyning o‘g‘liga kelibdi.
— Sizga oson savol beraman. Abdulla Oripovning "O‘zbekiston" she’rini kim yozgan? - debdi o‘qituvchi.
Haligi yigit o‘ylanib turib:
— Shukur Burxonov, – dermish.

Arab milliarderiga Germaniyada o‘qiyotgan talaba o‘g‘lidan xat kelibdi:
"Hurmatli dadajon!
Berlin juda chiroyli shahar ekan. Odamlari ham yaxshi. Hamma ishlarim, o‘qishim joyida! Faqat bir muammo bor: men o‘qishga tilla Ferrari mashinamda kelaman. O‘rtoqlarim poyezdda kelishadi. Hatto o‘qituvchilarim ham. Shunga men ba’zida xijolat bo‘laman".
Otasidan javob keldi:
"Sevimli o‘g‘lim!
Xijolat bo‘lishingni istamayman. Seni hisobingga yetarlicha pul o‘tkazdim. O‘zinggga poyezd sotib ol! Bizni uyatga qo‘yma".

Professor talabaga:
— Nega buncha qaltiraysiz? Men bermoqchi bo‘layotgan savollardan qo‘rqyapsizmi?
— Yo‘q, ularga bermoqchi bo‘layotgan javoblarimdan qo‘rqyapman.

Boshlang‘ich sinf o‘qituvchisi o‘quvchilariga:
— Qo‘limda ikkita olma bor edi. Bittasini yeb qo‘ydim. Nechta qoldi? - desa, orqada o‘tirgan bir bola sinfdoshiga qarab:
— Kap-katta odam shuncha bola turganda, olmani o‘zi yeb qo‘yib, endi uyalmasdan bizdan so‘rashini qara! - dermish.

O‘qituvchi so‘rabdi:
— Bolalar, maktabimizga tekshiruv kelgan. Hozir ular bizni sinfga kirganlarida nima deymiz?
— Assalomu alaykum deymiz.
— Chiqib ketayotganida-chi?
— Hayriyat-yey deymiz! – deyishibdi.

Maktabdan xursand bo‘lib qaytgan bola otasiga debdi:
— Ada, ada! Men ertaga ona tilidan "5" baho olaman.
Otasi:
— Iye, buni qayerdan bilasan o‘g‘lim?
Bola javob beribdi:
— Bugun o‘qituvchimiz insho yozdirgan edilar. Men sinfimizdagi eng a’lochi qizdan ko‘chirib oldim.
Otasi:
— Nima mavzuda insho yozdinglar?
O‘g‘li:
— "Mening tarjimai holim" mavzusida, - dyebdi.

Professor:
— 1565 yili nima bo‘lgan?
Talaba:
— Shekspir tug‘ilgan.
Professor:
- 1566 yilda-chi?
Talaba:
— Shekspir bir yoshga to‘lgan.

— Sobir, nega maktab remontiga pul olib kelmading?
— Men maktabni hech qayerini buzmadim-ku!?

Yetti yoshga to‘lgan bolani birinchi sinfga o‘qishga olib ketayotishsa, u dod solib baqirardi:
— Nimaga?, qaysi aybim uchun to‘qqiz yil???

O‘quvchi maktabga kelib ustoziga debdi:
— Ustoz, men endi bu maktabda o‘qimayman! Men Amerikaga ketyapman.
— Amerikada nima qilasan?, - so‘rabdi ustozi.
— Amerikada yashaydigan bobom maktub yo‘lladi. Uni ko‘zlari ancha xiralashib qolibdi. Uni fermasi, ikkita yirik korxonasi va o‘nta do‘koni bor. Men ularni boshqaraman.
— Bobongga ayt, hamma narsalarni sotib, bu yerga ko‘chib kelsin. Biz unga g‘amxo‘rlik qilamiz.
— Nimalar deyapsiz ustoz?! Xatda aniq yozilgan, bobomni ko‘zi xiralashgan, aqldan ozmagan!

Oʻqish-maktab haqida latifalar

Latifa.uz loyihasi haqida

Boshqa loyihalar