Millatlar rukniga oid latifalar | 10 dona — 3

O‘zbek xitoylikdan so‘rabdi:
— Sizlarda aholi necha kishi?
Xitoylik aytibdi:
— Bizda aholi 1 mlrd. 300 mln.dan ortiq. Sizlarda-chi?
O‘zbek:
— Bizda 32 mln. aholi bor, - debdi.
Shunda xitoylik o‘zbekka qarab:
— Unda hammalaring bir-birlaringni tanisalaring kerak-a? – debdi.

Arab milliarderiga Germaniyada o‘qiyotgan talaba o‘g‘lidan xat kelibdi:
"Hurmatli dadajon!
Berlin juda chiroyli shahar ekan. Odamlari ham yaxshi. Hamma ishlarim, o‘qishim joyida! Faqat bir muammo bor: men o‘qishga tilla Ferrari mashinamda kelaman. O‘rtoqlarim poyezdda kelishadi. Hatto o‘qituvchilarim ham. Shunga men ba’zida xijolat bo‘laman".
Otasidan javob keldi:
"Sevimli o‘g‘lim!
Xijolat bo‘lishingni istamayman. Seni hisobingga yetarlicha pul o‘tkazdim. O‘zinggga poyezd sotib ol! Bizni uyatga qo‘yma".

Rossiyada koʻprik qurish uchun Germaniya, Xitoy va Oʻzbekistonlik quruvchilarni chaqirishibdi.
Birinchi boʻlib Germaniyalik quruvchilardan soʻrashibdi:
— Falon kilometrlik koʻprikni qanchadan qurib bitkazasizlar?
Nemislar javob beribdi:
—Zamonaviy texnika va malakali ishchilarimiz bilan sifatli koʻprikni bir yilda qurib beramiz, - deyishibdi.
Keyin Xitoyliklarga shu savolni berishibdi. Ular bunday koʻprikni olti oyda bitirishlarini aytishibdi.
Oxiri Oʻzbekistonlik quruvchilarga shu savolni berishsa, ular shunday javob berishibdi:
— Eng yaqin bayraminglar qachon? Oʻsha bayramga bitirib topshirvaramiz!

Bir yigit Bolgariyaga boribdi. U yerda bir qizni yaxshi ko‘rib qolibdi.
Yigit qizga:
— Seni millating nima?
Qiz:
— Men bolgarkaman.
Yigit:
— Men esa drelman, - dermish.

Bir kuni afandi bitta rus va kareys bilan garov o‘ynabdi. "Kim muzlatgichni ichida ko‘p turadi" debdi.
Uchchalasi uchta muzlatkichga kirib olishibdi. Oradan yarim soat o‘tgach, koreys chiqib kelibdi.
Bir soatdan keyin rus qaltirab chiqibdi.
Afandi oradan 3 soat o‘tsa ham jimmush.
Sekin rus muzlatkichni eshigini ochib qarasa, afandi:
— Eshikni yop! Sovuq kiryapti, - debdi.

Xitoy metro bekatida turgan yigit qizga:
— Chu min syan duf, - debdi.
Qiz o‘ylab turib:
— Yan fay ru tan, - deya javob beribdi.
Yigitning jahli chiqib ketib:
— Dau shan Fan, dafan nyu ru, yan ru go zay, - deya jerkib beribdi.
Shundan so‘ng qiz yig‘lab yuboribdi.
Keyin:
— Kuan gua dji ru, shuyan yu
...Ha, do‘stim. Xuddi o‘qib biron narsani tushunayotgandek davomini kutayapsiz.

Ikki abituriyent institutga hujjatlarini topshirib bo‘lib, uyga qaytishda kechki ovqatga tovuq olish uchun do‘konga kiribdilar. Qarashsa, tovuq va tuxum sotayotgan sotuvchi rus ayol ekan.
— Sen rus tilini bilasanmi? – so‘rabdi do‘sti.
— Yo‘q, - debdi sherigi.
— Mayli, hozir shoshmay tur! – deb, sotuvchini yoniga boribdi-da, tuxumni ko‘rsatib “Mama gde?” – debdi do‘sti.

Bir kuni o‘zbek, ingliz va xitoylik toqqa chiqishibdi.
— Kelinglar baqiramiz. Kimning aks-sadosi chiroyli chiqarkan, - deb baqira boshlashibdi.
O‘zbek:
— Men seni sevaman!
"Men seni sevaman" degan aks-sado qaytibdi.
Ingliz:
I love you!
Yana shunday aks-sado qaytibdi.
Xitoylik:
Xichuokia mutana jutakou dosouki
Aks sado:
— Nima deding? Qaytarvar...

Oq va qora tanli amerikaliklar Rossiyaga kelib qurilishda ishlar ekan.
Bir kuni ikkalasi ish joyida "ruschasiga" aroqni rossa ichib, qora tanlisi oyoqda turolmay qolibdi.
Oq tanli amerikalik sherigini orqasiga ko‘tarib olib ketayotsa, birdaniga qurilish qorovuli baqirib qolibdi:
— Hoy, to‘xta! Saqichni tashla joyiga!!!

Bir savdogar kishining Rossiyadan qaytgach ta’surotlari:
“Rossiyada yosh bolalar ham ruschani zo‘r bilishar ekan!".

Millatlar haqida latifalar

Latifa.uz loyihasi haqida

Boshqa loyihalar