Lof-yolgon rukniga oid latifalar | 10 dona — 6

Ishga kirish uchun suhbatdan o‘tayotgan yigitdan:
— Avval juda yaxshi joyda ishlagan ekansiz. Ayting-chi, nega bo‘shagansiz? - deb so‘rashsa, yigit:
— Siz o‘zingiz ayting-chi, avvalgi ishchingiz nega bo‘shab ketgan?

Bir yigit do‘stiga gapirib beryapti:
— Yo‘lda ketayotsam, osmondan oldimga "Tap" etib qurbaqa tushdi.
Yerda yotgan toshga urildi-yu, go‘zal qizga aylanib qoldi.
— Chiroyli qizmi?
— Ha, juda-yam...
— Aqillimi?
— Ha, dono!
— Unday bo‘lsa, yerdagi toshga juda qattiq urilgan ekan-da...

— O‘g‘lim, senga sovg‘a qilgan ov miltig‘i qani?
— Sotib yubordim. Puliga esa qo‘limga soat oldim.
— Ahmoqmisan?! Endi quyon oviga borsang, soat nechida oldingdan quyon yugurib o‘tganiga qarab yurasanmi?!

Bir kuni o‘rmonda sherni tug‘ilgan kuni bo‘libdi. Sher:
— Kim aroqqa borib keladi? - desa, hech kimdan sado chiqmabdi.
Shunda qirq oyoq:
— Men borib kelaqolay, - deb chiqib ketibdi.
Bir soat o‘tsa ham, qirq oyoqdan darak yo‘q emish. Hayvonlar endi g‘iybat qilib turishsa, eshikni qirq oyoq sekin ochib:
— Hammasini eshitib turibman. Endi o‘ttiz to‘qqizinchi oyog‘imga krasovkamni kiyib bo‘ldim, - dermish.

Bir kuni sherni o‘rmonda sud qilib 3 yilga qamashibdi sherni sochini olib qamoqxonaga qo‘yib yuborishsa, uni xech kim sherligiga ishonmay mushuk deb kalaka qilaverishibdi bundan zerikib bir chekkada tursa, kalamush turgan ekan, unga:
— Kalamush iltimos ularga tushuntir men mushuk emas sherman,- desa
Kalamush:
— Menga baribir mushukmisan shermisan, men ham qamoqxonaga tushishimdan oldim tipratikan edim,- debdi

Afandi bozorga boraman deb otini egarlayotsa, oti 1000 so‘m berib "Damas'da borib kelaver" deyarmish

Bir kuni taksida qo‘rqoq, sarguzashtparast va ziqna odam ketayotishsa, birdan taksi yonidan boshqa mashina kelib urilibdi. Shu payt taksi mashinasi joyida aylana boshlabdi, haydovchi mashinani to‘xtata olmay sarosimada...
Qo‘rqoq:
— Voy-dod! To‘xtang mashinani! - deb baqira boshlabdi.
Sarguzashtparast haydovchiga:
— Iye, shoshmay turing! Selfivideo qilib olay! - desa, ziqna:
— Taksini kilometr hisoblagichini o‘chirmaysizmi!? - dermish.

Bemor shifokorga murojaat qildi:
— Men tobora eshitish qobiliyatimni yo‘qotayapman, so‘nggi paytda hatto o‘z yo‘talimni ham eshita olmayapman.
Shifokor unga dorilar ro‘yxatini yozib uzatdi va dedi:
— Mana shu dorilarni kuniga uch mahal iching...
— Keyin yaxshi eshitadigan bo‘lamanmi?
— Yo‘q, qattiqroq yo‘talasiz.

Bir kuni buqa bilan sher pivo ichib o‘tirishsa, sherni telefoni jiringlab qolibdi:
— Allo, ha albatta! Hozir boraman, - debdi sher. Shunda buqa sherga qarab:
— Yana xotiningmi? Nega undan qo‘rqasan-a? Men xotinimdan umuman qo‘rqmayman! – debdi kerilib.
Shunda sher buqaga qarab:
— Meni xotinim sherxon bo‘ladi. Senikiga o‘xshagan sigir emas! – dermish.

— Dugonajon, ozib, chiroyli boʻlib ketibsanmi ?
— Ha, 85 kilogramm edim. Mana hozir 70 kilogramman.
— Parhez qildingmi?
— Yoʻq. Hammasiga erim sababchi. Erimni boshqa ayol bilan uchrashib yurganini sezib qoldim. Alamimdan ozib ketyabman.
— Ajrashib ketmaysanmi?!
— Ajrashaman. Yana 15 kilogramm ozay, albatta ajrashaman.

Lof-yolgon haqida latifalar

Latifa.uz loyihasi haqida

Boshqa loyihalar