Kaltafahmlar rukniga oid latifalar | 10 dona — 19

Bir bemor doktorga kelib:
— Qornim og‘riyapti, dori bering, - desa, doktor shoshilganidan itiga olgan dorini berib yuboribdi.
Bir haftadan keyin boyagi bemor yana kelib:
— Doktor, menga bergan doringizni nomi nima edi? Hech qaysi dorixonadan topa olmayapman, - dermish.

Bir o‘g‘rining qarmog‘iga oltin baliq ilinibdi. Lekin u nima qilishini bilmasdan baliqni u yog‘iga ag‘daribdi, bu yog‘iga ag‘daribdi.
— Tila tilagingni, - debdi, nihoyat, oltin baliq tilga kirib.
— Bu nima dyeganing, - debdi tushunmasdan o‘g‘ri.
— Senga qanaqa tushuntirsam ekan, kecha bir odam meni ushlab olgan edi. U mendan yuz million so‘m muhayyo qilishimni so‘radi. Men uni bir zumda bajo keltirdim. Senga nima qilay?
— O‘sha odamning uy manzilini ber.

Radioda boshlovchi:
— Marhamat, hurmatli muhlis. Sizga, yaqinlaringizga salom va tabriklaringiz bo‘lsa, jo‘natish imkoniyatini beramiz.
Muhlis:
— Meni eshitib turgan hammaga salom. Ayniqsa kecha o‘g‘lim benzin olaman, - deb zapravkaga ketgandi. Agar u ham meni eshitib turgan bo‘lsa, ungayam alangali salom. O‘g‘lim, ochereding keb qoldimi bolaaaam?
— Yo‘q, menga keganida tamom bo‘lib qoldi

Magazinda. Sotuvchi xaridor yigitga:
— Qaytimizga "Mikki Maus"ni rasmi bor saqich beraveraymi?" - desa
Xaridor:
— Nima, men sizga yosh bolamanmi, "Mersedes"ni rasmi bor saqich bering" - dermish

Bir bolakay tug‘ilgan kuniga masharaboz kelishini juda xohlarkan. Buvisi bu yili albatta masharaboz chaqirishga va’da beribdi. Tug‘ilgan kuni ham yetib kelibdi. Lekin masharaboz yo‘q emish. Buvisi nima qilishini bilmasdan tursa, eshik qo‘ng‘irog‘i chalinibdi. Ochib qarasa, ikkita daydi tentaklar turganmish.
— Uyingizda bizbop ish yo‘q-mi? Biroz pul ishlab olmoqchi edik, - deyishibdi. Ayol ularga bog‘dagi ishlarni qilishni buyuribdi.
Nabirasi esa masharabozni hanuzgacha kutib o‘tirarkan. Ayol bir payt qarasa, boyagi daydilarning biri goh daraxtga chiqib sakrar, goh u yoqdan, bu yoqqa yugurar, ba’zan har xil kulgili harakatlar qilarkan. Ayol masharaboz topilganidan xursand bo‘lib ketibdi. Sakrab yurgan kishini yonidagi sherigini sekin chaqirib:
— Kechirasiz. Anavi do‘stingiz bir soatga masharaboz bo‘lib turmaydimi? Yaxshi haq to‘layman!, - debdi.
Haligi odam do‘stiga qarab:
— Hoy, mo‘maygina pulga ikkinchi barmog‘ingni ham bahridan o‘tasanmi?, - dermish.

Sudya jabrlanuvchiga:
— Vrachni nimada ayblayapsiz?
— Kvartiramni o‘g‘irlashda yordam bergani uchun.
— Qanaqasiga?
— U menga kechalari uyqu dori ichib, derazani ochib uxlashni maslahat beruvdi.

Bir odam folbindan qarz ekan. Haligi odamni uyiga folbin qarzini so‘rab borsa:
— Nima qilardingiz ovora bo‘lib?! Menda pul yo‘qligi folingizda ayon bo‘lmadimi? - dermish.

— Me’yorini bilmay ichganlarni o‘lguday yomon ko‘raman. Kecha meni mashinaga ko‘tarib ketayotib, yerga uch martta tushirib yuborishdi-ya, la’nati piyonistalar.

— Allo, bu hayvonot bog‘imi?
— Ha, nima gap?
— Xonadonimda ilon o‘rmalab yuribdi!
— "Hayvonlarni himoya qilish jamiyati"danmisiz?
— Yo‘q!?
— Ekologik harakat a’zosimisiz?
— Aslo!?
— Unda nimaga belkurak bilan ilonga tushirib qolmadingiz???

Kaltafahmlar haqida latifalar

Latifa.uz loyihasi haqida

Boshqa loyihalar