Haydovchilar rukniga oid latifalar | 10 dona — 10

Bir kuni avtohalokatga uchragan haydovchini shifoxonaga olib kelishibdi. Vrach ko‘rib:
— Zudlik bilan operatsiyaga tayyorlanglar! - debdi.
Operatsiya boshlanibdi. Vrach haydovchining miyasini olib, hamshiraga beribdi-da:
— Ushlab turing, hozir qaytarib berasiz, - debdi.
Hamshira haydovchining miyasini derazaga qo‘ygan ekan, tashqarida yurgan mushuk tortib olib ketib qolibdi.
Operatsiya so‘ngida vrach miyani so‘rasa, hamshira mushukni gapirib beribdi.
Shunda vrach debdi:
— Mayli boshini shundoq o‘zini yopib qo‘yaveringlar. Avtomat korobka haydab yuraveradi...!

Ikki ulfat ko‘l bo‘yida gaplashib o‘tirishsa, Xammer mashinasida bir boy kelib debdi:
— Yigitlar, ko‘lni qayeri sayoz? Mashinamda narigi qirg‘oqqa o‘tib ketmoqchiman.
— Mana bu yeridan o‘tsangiz bo‘ladi, - deb javob berishibdi.
Boy Xammerida ko‘lga qarab haydabdi-yu, shu zahoti cho‘kib ketibdi. Bir amallab suzib chiqqan boy:
— Sayoz degandilaring-ku!? - desa, ulfatlar hayron bo‘lib:
— Hozirgina shu yerdan bir to‘da o‘rdaklar o‘tib ketishgandi-da..., - dermish.

Afandini eshaklari ko‘p ekan. Ularni beshtasini tanlab bozorga sotishga olib ketibdi. Yo‘lda charchab bittasiga minib olibdi. Endi eshaklarini sanab qarasa to‘rtta ekan. Afandini rosa boshi qotibdi. Oxiri eshagidan tushib yo‘qolgan eshagini izlay boshlabdi. Izlab-izlab yana yo‘qolmadimikin deb eshaklarini sanab ko‘ribdi. Sanasa beshta chiqibdi.

Volvo bir Djipni orqasidan kelib uribdi. Djipdan 4ta baquvvat "shkaf" tushib volvoni egasiga:
— Anchaga tushding! Mashinangni sotasan, kvartirangni sotasan, pulini to‘laysan koroche!!!
— Bolalar, sizlar kimsizlar?
— Biz sportsmenmiz....
Volvoni egasi pistoletini chiqarib:
— Unday bo‘lsa: "na Start, vnimaniye, MARSh!", - debdi.

Allo, militsiya, men yo‘lda qo‘yni bosib yubordim.
— Yo‘l chekkasiga surib qo‘yib, ketishni davom etavering.
— Xop, a velosipedini nima qilay?

— Insofing bormi?! Bir oyda olti kishini bosib ketding-a!
— Olti kishi emas, besh kishini! Bittasini ikki martta bosganman.

Tog‘da yashaydigan bir odam zebra sotib olibdi va qo‘shnilariga maqtanish uchun zebrani minib qishloqni aylanib yursa, bitta qo‘shnisi:
— Men ham minib ko‘rsam maylimi? - deb so‘ragan ekan,
— Mayli, - deb, unga zebrani beribdi. Qo‘shnisi zebrada bir aylanib kelib:
— Inomarka baribir boshqacha-da... - dermish.

Bir kuni taksi haydovchisini mashinasiga yirtiq shim kiygan qiz o‘tirib:
— Chilonzorgacha, - debdi.
Manzilga yetib kelgach, haydovchiga qiz uzatsa,
Haydovchi:
— Qizim, shu pulingga yana pul qo‘shgin-da, ustingga bir ko‘ylak olib kiygin, - degan ekan.

Afrosiyob poyezdida Buxoroga ketayotgan yo‘lovchi yoniga nazoratchi kelib debdi:
— Sizni biletingiz oddiy poyezd uchun. Bu - tezyurar poyezd. Marhamat qilib qo‘shimcha to‘lov qilsangiz!
Yo‘lovchi pinagini buzmay:
— Men shoshilayotganim yo‘q. Mashinistga ayting, sekinroq ketaversin!!!

Jarima – bu to‘g‘ri yo‘l tutmaganing uchun to‘lovingdir.
Soliqlar esa to‘g‘ri yo‘l tutayotganing uchun to‘loving bo‘ladi...

Haydovchilar haqida latifalar

Latifa.uz loyihasi haqida

Boshqa loyihalar