DAN-xodimlari rukniga oid latifalar | 10 dona — 3

DAN xodimi avtomobilni to‘xtatib, haydovchiga:
— Yukxonani oching! Tekshirib qo‘yay, - debdi.
Haydovchi:
— Komandir, keling yukxonani ochmaylik. Yuz ming beraman, - desa, — Nimalar deyapsiz?! Oching tekshirishim kerak!, - debdi DAN xodimi.
Haydovchi yana ikki yuz ming berishini aytibdi.
— Maynavozchilik qilmay, oching!
— Uch yuz beraman!
— Yo‘q!
— Meni oxirgi gapim, bir million beraman!
— Meniyam oxirgi so‘zim, yukxonani ochasiz!
— Mana marhamat!
DAN xodimi qarasa, yukxona bo‘m-bo‘sh emish.
— Nimaga boshimni qotirib, shuncha pul taklif qildiz?, - desa,
— Siz bilan bir "Pole Chudes" o‘ynagim keldi-da, - dermish haydovchi.

Xotin huddi DAN xodimiga o‘xshaydi. Bosh og‘ritib gapiradi, pulingni oladi, kayfiyatingni buzadi... Eng yomoni — baribir ayb topadi!

Matiz haydovchisi qizilda o‘tib ketibdi. Serjant to‘xtatibdi.
— Dokumentlar?
— Yo‘q, komandir!
— Prava?
— Yo‘q, komandir!
— Uff dengchi?
— Ichganman!
— Hozir kapitanni chaqiraman, keyin siz u bilan problemangizni hal qilasiz.
Kapitan kelib:
— Dokumentlar?
— Marhamat!
— Prava?
— Marhamat!
— Ichganmisiz?
— Ufff... Ichmaganman!
— Nega menga serjant unaqa dedi???
— Komandir, serjant hozir meni qizildan o‘tgan ham deydi.

Ikkita Gai xodimi xizmat mashinasida ketayotishsa, oldidagi mashinaning oynasiga yopishtirilgan reklama yozuviga ko‘zi tushibdi: "Avtomobil sotiladi. Quyidagi telefon raqamiga qo‘ng‘iroq qiling".
Gai xodimlari haydovchini telefonda gaplashgani uchun jarimaga tortmoqchi bo‘lib, e’londa ko‘rsatilgan raqamga qo‘ng‘iroq qilishibdi.
— Allo, e’lon bo‘yicha so‘ramoqchi edim.
— Ha, albatta. So‘rayvering, - debdi telefonini "Baland ovoz" rejimiga o‘tkazib qo‘ygan haydovchi.
Gai xodimi haydovchini gapga solaveribdi. Birozdan keyin Gai haydovchiga:
— Iltimos telefoningizni qo‘lingizga olib gaplashsangiz, yaxshi eshitilmayapti, - desa, haydovchi:
— Jon deb gaplashardim. Faqat ortimdan boyadan beri bittasi dumga o‘xshab ergashib kelyapti-da. Bilasiz-ku, bularga bahona topilsa, darrov to‘xtatishadi! - dermish.

Bir traktorchi yo‘lda beshta odamni pritsepiga mindirib, agar yo‘lda GAI chiqsa yotib olasizlar — debdi. Haydovchini bir payt GAI xodimi to‘xtatib:
— Aka, nimaga traktoringizga beshta odam mindirdingiz, bu mumkin emas-ku — debdi.
— Shunda, qani odam, bu yerda odam yo‘q, bu mollar-ku.
— Qanaqasiga odam bo‘lmaydi, unda kim bo‘lmasa — desa?
— Bular mollar, odam bo‘lishganida sizni ko‘rishganda yotib olishardi — debdi.

Haydovchilar yo‘lda biror xavf bo‘lsa, avtomobil chiroqlarini yoqib-o‘chirib boshqa haydovchilarni ogohlantirishadi. Yo‘llarimizda eng ko‘p uchraydigan xavfni bilishadi. DAN xodimini ko‘rib qolishsa...

Uch o‘rtoq mashinada ketayotsa, GAI xodimi to‘xtatib, rulda o‘tirganga qarab:
— Ha, ichdingizmi?, - deb so‘rabdi.
— Yo‘q, - debdi mashinadagilar baravar.
— Unda nega uchchalangiz ham oldi o‘rindiqdasizlar?!

Bir talaba ertalab mashinasida shoshib oʻqishga ketayotib, qizil chiroqda oʻtib ketibdi. Yoʻl chetida berkinolmasdan turgan GAI darrov toʻxtatibdi.
Hujjatlarni tekshira turib debdi:
— Bekorchi ekanmiz-da?!
— Ha bekorchimiz! - debdi talaba.
— Davlatni pullarini yeb yotibmiz deng...?!
— Ha, shunday! – debdi yana.
— Talaba ekanmiz-da...?!
— Bu yerda talaba faqat menman...!

YPH noziri avtomobilni to‘xtatib:
— Hurmatli haydovchi, siz hozirgina piyodaga yo‘l bermay qayrildingiz...
— Yo‘g‘-ye, bo‘lishi mumkinmas! Mana mashinamda videoregistrator bor...
Videoregistratordagi yozuvni sinchkovlik bilan tekshirib chiqqan YPH noziri haydovchining piyodaga yo‘l berganini ko‘ribdi.
Lekin haydovchi kun bo‘yi qilgan boshqa 4 ta qoidabuzarligi uchun jarimalar qog‘ozini haydovchining qo‘liga topshiribdi.

Bir mototsikl haydovchisi qoidani buzib, YPHdan qochib, ko‘p qavatli uylarni orasiga kirib ketibdi. Ularni chalg‘itish uchun mototsiklini o‘sha yerda qoldirib, katta yo‘lga chiqib tursa, inspektor kelib:
— Ho‘sh motosikl qani?
O‘g‘ri:
— Qanaqa mototsikl?
— Biroz avval qoidani buzib, mendan qochib kelayotganding-ku?!
— Bu nima deganing? Axir men piyoda aylangani chiqdim-ku...
— Aylangani chiqdingmi?
— Ha.
— Kaska kiyib olib-a??? Mototsikl bilan hujjatlarni ko‘rsat, - degan ekan inspektor.

DAN-xodimlari haqida latifalar

Latifa.uz loyihasi haqida

Boshqa loyihalar